Zaćvierdzili prahnoz sacyjalna-ekanamičnaha raźvićcia na 2023 hod
Alaksandr Łukašenka padpisaŭ ukaz № 411, jaki zaćviardžaje najvažniejšyja paramietry prahnozu sacyjalna-ekanamičnaha raźvićcia krainy na 2023 hod. Pra heta paviedamiła pres-słužba palityka.
Pavodle prahnozu, VUP zapłanavany ŭ pamiery 103,8% da ŭzroŭniu 2022 hoda. Realnyja najaŭnyja hrašovyja dachody nasielnictva pavinny skłaści 104,1%, a inviestycyi ŭ asnoŭny kapitał — 122,3%. Dla ekspartu tavaraŭ i pasłuh hety pakazčyk čakajuć na ŭzroŭni 105,5%.
Hałoŭnaj krynicaj rostu ekanomiki pavinna pry hetym stać naroščvańnie inviestycyj u asnoŭny kapitał. Inviestavać płanujuć pa troch asnoŭnych kirunkach: u budaŭnictva žylla i infrastrukturu (7,7 młrd rubloŭ), stvareńnie i raźvićcio infrastruktury ŭ rehijonach (7,9 młrd), a taksama ŭ inviestprajekty i techničnaje pieraasnaščeńnie (31,2 młrd).
Što tyčycca ekspartu, to jon zapłanavany ŭ pamiery 47,7 młrd dalaraŭ pry tempach rostu 105,5%. Abjom pastavak u Rasiju płanujuć pavialičyć na 6,5%, u Kitaj — na 15%, u krainy Afryki — na 10%.
Pa prahnozach, stanoŭčaje salda źniešniaha handlu pa vynikach hoda pavinna skłaści $1,6 młrd. Dla naminalnaj naličanaj siaredniamiesiačnaj zarpłaty prahnoz ustalavali na ŭzroŭni 1938 rubloŭ, dla biudžetnikaŭ — 1454.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary