Cichanoŭskaja: Sachaščyk płanuje admovicca ad rasijskaha hramadzianstva
Śviatłana Cichanoŭskaja ŭ intervju sajtu «Zierkało» skazała, što nie viedała pra najaŭnaść u Valeryja Sachaščyka rasijskaha pašparta. Ciapier, pavodle jaje, pravodzicca ŭnutranaje rasśledavańnie i buduć vypraŭlacca pamyłki.
«Dziejańni Valeryja z momantu pačatku vajny va Ukrainie pakazali, što jon u pieršuju čarhu adstojvaje intaresy biełarusaŭ, a nie čužyja ci navat svaje ŭłasnyja. Jon staŭ pieršym biełaruskim aficeram, jaki źviarnuŭsia da vajskoŭcaŭ z zaklikam nie ździajśniać złačynstvaŭ suprać narodaŭ Biełarusi i Ukrainy i nie vykonvać złačynnyja zahady. Valeryj uziaŭ na siabie kirunak pa nacyjanalnaj biaśpiecy i abaronie ŭ Abjadnanym kabiniecie, viedajučy, jakuju niebiaśpieku i adkaznaść heta za saboj ciahnie», — raskazała Cichanoŭskaja.
«My vydatna razumieli, što sproby z boku režymu dyskredytavać členaŭ Kabinieta niepaźbiežnyja, i heta tolki pieršaja. Fihura Sachaščyka stała adnoj z najbolš niebiaśpiečnych dla ich, tamu jon sam, jaho blizkija i jaho reputacyja buduć pad pastajannymi ŭdarami prapahandy», — adznačyła jana.
Pavodle Cichanoŭskaj, Valeryj Sachaščyk užo vykazaŭ žadańnie aformić aficyjnuju admovu ad rasijskaha hramadzianstva, kab paźbiehnuć dalejšych napadaŭ z boku prapahandy.
Čytajcie taksama:
Śpiecsłužby pry pieratrusie znajšli ŭ Sachaščyka rasijski pašpart. Jak heta tłumačyć sam aficer?
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary
Sśvietta, rośsijskij pasport nie prosto v tumbočkie u nieho ležał, jakoby davno zabytyj, a on aktivno (aktivno!) polzovałsia im