Minabarony Rasii paćvierdziła vybuchi na aeradromie «Saki» ŭ Krymie, ale jak zvyčajna — «strat niama»
Viedamstva abviarhaje infarmacyju pra rakietny ŭdar, pryčyna vybuchaŭ — «detanacyja bojeprypasaŭ».
Rasijskija telehram-kanały nazvali niekalki viersij vybuchaŭ na terytoryi avijabazy ŭ Navafiodaraŭcy. Nivodnaja ź ich nie kaža pra paśpiachovuju ataku z boku USU.
Tak, adrazu niekalki vydańniaŭ paviedamlajuć, što pryčynaj vybuchaŭ na terytoryi avijabazy staŭ pažar pry pahruzcy paliva.
Hałoŭny redaktar telekanała Russia Today Marharyta Simańjan zajaviła, što vybuchi ŭ Navafiodaraŭcy — nie «pryloty», a dyviersija. «A to i naohuł hałavaciapstva», — napisała prapahandystka ŭ svaim telehram-kanale. Paśla čaho paklikała ŭsich «na plaž».
U svaju čarhu, Minabarony RF taksama admaŭlaje ataku Uzbrojenych siłaŭ Ukrainy. Pa źviestkach vajskovaha viedamstva, na terytoryi aeradroma «Saki» na abvałavanaj placoŭcy zachoŭvańnia «adbyłasia detanacyja niekalkich avijacyjnych bojeprypasaŭ».
«U vyniku vybuchu nichto nie paciarpieŭ. Avijacyjnaja technika na aeradromie nie paškodžanaja. Pa dakładach ź miesca, nijakaha ahniavoha ŭździejańnia pa abvałavanaj placoŭcy zachoŭvańnia bojeprypasaŭ na aeradromie nie było», — śćviardžaje Minabarony RF.
Niahledziačy na heta, ułady Sakskaha rajona ŭ Krymie abviaścili evakuacyju hramadzian, a vakoł miesca vybuchaŭ ustalavany piacikiłamietrovy pierymietr.
MNS akupavanaha Kryma paviedamiła, što paciarpieli try čałavieki.
«Plavać ja chacieŭ na hety Zachad». Hałasavańnie Łukašenki pačałosia z dvuch prakołaŭ. A voś jakija zajavy jon zrabiŭ9
Kamientary