Deputat dumskaj frakcyi «Spraviadlivaja Rasija — Za praŭdu» Dźmitryj Kuźniacoŭ źviarnuŭsia da kiraŭnika FSB Alaksandra Bortnikava z prośbaj razhledzieć mahčymaść zabarony ŭjezdu ŭ Rasiju dla salistaŭ hurta Bi-2 Šury (Alaksandra Umana) i Lovy (Jahora Bortnika), paviedamlaje TASS.
Na dumku deputata, muzyki «zaniali aktyŭna antyrasijskuju pazicyju» ŭ pytańni vajny va Ukrainie: adchilili ad pracy niekalkich svaich supracoŭnikaŭ za ich padtrymku «śpiecapieracyi», vypuścili klip z rasijska-ŭkrainskim palityčnym padtekstam, skasavali svoj kancert u Omsku praz najaŭnaść banera ź litaraj Z.
Raniej FSB zabaraniła ŭjezd na terytoryju RF «artystam, jakija nie majuć rasijskaha hramadzianstva, i pry hetym vystupajuć z antyrasijskimi zajavami», adznačaje Kuźniacoŭ. Pavodle jaho słoŭ, salisty «Bi-2» u svaich intervju nieadnarazova padkreślivali, što jany nie hramadzianie Rasii.
Salisty «Bi-2» Alaksandr Uman i Jahor Bortnik — sapraŭdy nie rasijanie, a hramadzianie Biełarusi. Padčas pratestaŭ 2020 hoda jany apublikavali videazvarot u svajoj aficyjnaj hrupie ŭ «VKontaktie», u jakim skazali, što nie mohuć biez bolu nazirać za tym, što adbyvajecca na vulicach haradoŭ ich rodnaj krainy.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary