Prezident Turcyi Redžep Taip Erdahan abvinavaciŭ susiedniuju Hrecyju ŭ parušeńni pravoŭ tureckaj mienšaści, praduhledžanych Łazanskaj mirnaj damovaj 1923 hoda.
«Turcyja nie moža źmirycca z takoj situacyjaj, jakaja supiarečyć pryncypam dobrasusiedstva i prychilnaści da damoŭlenaściaŭ. Ankara poŭnaja rašučaści prykłaści ŭsie namahańni dla ŭstanaŭleńnia tryvałaha miru i stabilnaści ŭ rehijonie, a taksama dla zabieśpiačeńnia pravoŭ tureckaha naroda», — zajaviŭ Redžep Taip Erdahan.
Turecki prezident nahadaŭ, što Łazanskaja mirnaja damova dazvoliła nakreślić suchaputnyja miažy Turcyi, harantavać pravy tureckaj nacmienšaści ŭ Hrecyi i paćvierdzić demilitaryzavany status hrečaskich astravoŭ kala bierahoŭ Turcyi.
Erdahan taksama dadaŭ, što nabližajučysia da sotaj hadaviny stvareńnia Tureckaj Respubliki, Turcyja «praciahvaje ŭmacoŭvać svaju pazicyju ŭ rehijanalnych i hłabalnych pytańniach».
Pry hetym jon padkreśliŭ, što za minułyja 99 hadoŭ Turcyja staranna vykonvała svaje abaviazacielstvy ŭ ramkach Łazanskaj mirnaj damovy. U hetym, adnak, prynamsi ŭ spravie zachavańnia pravoŭ nacyjanalnych mienšaściaŭ, možna sumniavacca.
Tak, u hrečaskaj pravincyi Zachodniaja Frakija, jakaja miažuje z Turcyjaj, ciapier žyvie kala 100000 tureckamoŭnych musulman, i mienavita pra ich pravy kłapocicca Erdahan. Z hetymi pravami sapraŭdy byvajuć peŭnyja prablemy, ale ŭ Turcyi z pravami miascovych hrekaŭ, jakija taksama praduhledžvalisia toj ža Łazanskaj damovaj, usio kudy horš.
Za stahodździe kaliści vielmi vialikaja hrečaskaja mienšaść u Turcyi praktyčna pierastała isnavać. Kali ŭ 1927 hodzie tureckich hrekaŭ było kala 120 tysiač, a ŭ 1965-m — kala 50 tysiač, to ciapier hrekaŭ u Turcyi ŭsiaho kala 2000-3000 tysiač. Amal usie jany žyvuć u Stambule.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie6
Kamientary