Padčas bajavych dziejańniaŭ va Ukrainie zahinuŭ uradženiec Inhušecii aficer Adam Chamchojeŭ, paviedamlaje infarmacyjny partał The Magas Times. Pa infarmacyi «Fartanhi», jon źjaŭlajecca plamieńnikam namieśnika ministra abarony RF Junus-Bieka Jeŭkurava.
The Magas Times paviedamlaje, što kapitan Chamchojeŭ zahinuŭ u noč z 20 na 21 traŭnia. Jon kamandavaŭ desantna-šturmavoj rotaj.
«Adam ‒ vypusknik Razanskaha vyšejšaha kamandnaha vučylišča PDV, jon prachodziŭ vajennuju słužbu ŭ h. Uljanaŭsk. U vojskach PDV imia Adama było na słychu, jaho viedali jak bliskučaha aficera i piśmiennaha kamandzira. Jon byŭ u aktyvie inhušskich aficeraŭ, jakija akazvali dapamohu ziemlakam za miežami respubliki», ‒ havorycca ŭ telehram-kanale The Magas Times.
Vydańnie «Fartanha» sa spasyłkaj na krynicu paviedamiła, što zahinuły źjaŭlajecca plamieńnikam namieśnika ministra abarony RF Jeŭkurava.
«Jeŭkuraŭ jamu dapamahaŭ, budavaŭ karjeru. Jon davodzicca synam rodnaj siastry Junus-Bieka Jeŭkurava, hodnym byŭ chłopcam», ‒ raspavioŭ surazmoŭca «Fartanhi».
U 2019 hodzie eks-kiraŭnik Inhušecii Jeŭkuraŭ staŭ namieśnikam ministra abarony RF.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary