BTR V2 praz hod-paŭtara pastupić na ŭzbrajeńnie US Biełarusi, zajaviŭ u efiry telekanała «Biełaruś 1» staršynia Dziaržkamvajenprama Dźmitryj Pantus, paviedamlaje Biełta.
«BTR V2 — heta navinka, jakuju my pradstavili ŭ minułym hodzie ŭpieršyniu na vystavie MILEX. Na našu dumku, hetaja mašyna stanie praz, miarkuju, hod-paŭtara, na ŭzbrajeńnie Uzbrojenych siłaŭ. Mašyna raspracavanaja Minskim zavodam kołavych ciahačoŭ i ŭvabrała ŭ siabie ŭsie pieradavyja technałohii, što na siońniašni momant vykarystoŭvajucca vytvorcami suśvietnaha kłasu. Ciapier mašyna prachodzić doślednyja vyprabavańni, — raskazaŭ Dźmitryj Pantus.
— Usie vyprabavańni, jakija byli zapłanavanyja, praktyčna ŭžo zaviaršajucca, i paśla hetaha budzie pravodzicca pracedura dapracoŭki kanstruktarskaj dakumientacyi, vyrab doślednaha ŭzoru, jaki stanie na papiaredniaje vyprabavańnie i dziaržvyprabavańnie».
Staršynia DVPK padkreśliŭ: hetaja mašyna pryznačana dla siłaŭ śpiecyjalnych apieracyj.
«Mašyna moža ŭzbrojvacca roznymi typami ŭzbrajeńnia. Na siońnia my paralelna raspracoŭvajem adrazu dźvie madyfikacyi. Pieršaja madyfikacyja — ź niezasielenym bajavym modulem biełaruskaj raspracoŭki BM-30, što raspracavanaja i vyrablajecca kampanijaj «KB «Dysplej».
Druhaja madyfikacyja — ź viežaj ad BMP-2, ale całkam madernizavanaja, z ustanoŭkaj samaha sučasnaha optyka-elektronnaha abstalavańnia. Jość mahčymaść ustanoŭki siudy kulamiota PKT, a taksama hranatamiotnaha kompleksu», — adznačyŭ jon.
«My stavim pierad saboj zadaču, kab hetaja mašyna nie stała daražejšaj za BTR-82A rasijskaj vytvorčaści», — skazaŭ Puntus.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary