Tkačoŭ atakuje i Sidorskaha, i Prakapoviča

Pamočnik prezidenta Siarhiej Tkačoŭ zaklikaŭ da bolš tannych hrošaj i raskrytykavaŭ padatkovuju palityku ŭradu.

Jon apublikavaŭ u haziecie «Biełaruś siehodnia» artykuł «Čas patrabuje asensavanych dziejańniaŭ», u jakim vykazaŭ svoj punkt hledžańnia na prablemy ŭ ekanamičnym raźvićci Biełarusi.

Pra niapravilnaść reformaŭ

My ŭžo nie zhadvajem pradprymanyja ŭradam surjoznyja sproby pavialičyć staŭki PDV. Usie praktyki razumiejuć pahibielnaść hetaha padatku, nieabchodna štości źmianiać. Voś i ŭ ZŠA admovilisia ad jaho.

Uvieś śviet abmiarkoŭvaje nieabchodnaść pierachodu ad PDV da padatku z prodažaŭ, a ŭ nas niekatoryja členy ŭradu sprabujuć dziejničać z dakładnaściu da naadvarot.

A padatak na prybytak? U dziaržaŭnym vysokarentabielnym siektary, asabliva ŭ ciapierašnich umovach, spraviadliva ŭsprymajecca jak dadatkovaje spahnańnie za ich dobry vynik dziejnaści.

Pra nieadpaviednaść kiraŭnictva času

Kali sustrakaješsia z dyrektarami, pierakonvaješsia, što ŭ styli ministerstvaŭ i viedamstvaŭ praktyčna adsutničaje takaja forma pracy, jak analiz pracesaŭ, pry jakich ekanamičnyja rašeńni dziaržavy pierałamlajucca ŭ praktyčnaj dziejnaści. Što ŭdała pryžyłosia, dzie nieabchodna karektoŭka, a što naohuł škodna? Na žal, hetaha niama.

Pra biržu

Nieadnarazova davodziłasia adznačać tuju niehatyŭnuju rolu, jakuju syhrała birža ŭ raźvićci ekspartu našaj pradukcyi i zabieśpiačeńni našych vytvorčych pradpryjemstvaŭ syravinaj i materyjałami.

Toje, što my stracili šmatlikija rynki zbytu pradukcyi małočnaj, lasnoj i drevaapracoŭčaj, šynnaj pramysłovaści i h.d. praz «duraść» ź biržavymi śpiekulantami, a nie vybudavali doŭhaterminovyja kantrakty, užo zrazumieli ŭsie dyrektary.

Pra kredyty

Siońnia heta narodnahaspadarčaja prablema. Isnujučaja kredytnaja palityka bankaŭ Biełarusi pa vydačy karotkaterminovych kredytaŭ terminam na 1—3 miesiacy pazbaŭlaje mahčymaści realizoŭvać pierśpiektyŭnyja prajekty. Prałanhacyja pahašeńnia zapazyčanaści pa pakazanych kredytach na termin bolš za adzin—dva hady dapamahła b stabilizavać dziejnaść pradpryjemstvaŭ u pieryjad finansava–ekanamičnaj niestabilnaści.

Nacyjanalny bank pavinien jašče raz viarnucca da pracentavaj palityki i resursavaj bazy bankaŭ. Šmatlikija pradpryjemstvy nie mohuć atrymać kredyty navat pad 23—25% praz adsutnaść resursaŭ u bankach.

Pra rynki zbytu

Niaŭžo niezrazumieła, što šmatlikija mašynabudaŭničyja kanviejery spynilisia. Dla realizacyi hetaj pradukcyi zastajecca tolki druhasny rynak (zapasnych častak, šyn i vuzłoŭ).

Treba pierahledzieć pytańni aptovych źnižak i nacenak handlovym arhanizacyjam, umovy kamisij. Bo ajčynnaja pradukcyja pastaŭlena na ŭnutranym rynku va ŭmovy mienš vyhadnyja za impartnaja. Akramia taho, treba dapamahčy pradpryjemstvam raźvivać pastaŭki pradukcyi na asnovie damoŭ kansihnacyi. Tym samym nablizić našu pradukcyju da spažyŭca (stvaryć svajho rodu asartymientny «pryłavak» ajčynnaj pradukcyi dla zamiežnaha pakupnika).

• 0
• 0
• 0
• 0
• 0
• 0
• 0
• 0