Rasijskija vojski ŭvajšli ŭ Sumy — staršynia abłdziaržadministracyi
«Situacyja ŭ Sumskaj vobłaści składanaja. Iduć bai ŭ horadzie Achtyrka, horadzie Kanatop, byŭ boj kala horada Sumy, horad Hłuchaŭ prajšli tranzitam. Byli bai na trasie «Kopci—Bačeŭsk». Siońnia akupacyjnyja vojski kantralujuć trasu «Kijeŭ—Maskva» ad miažy z RF i ŭ Čarnihaŭskaj vobłaści, da Baturyna dakładna»
Pra heta ŭ videazvarocie zajaviŭ staršynia Sumskaj abłdziaržadministracyi Dźmitryj Žyvicki.
Pavodle infarmacyi Žyvickaha, składanaja situacyja ŭ haradach Biełapolle, Buryń i ŭ inšych nasielenych punktach vobłaści.
«Uzbrojenyja siły dajuć adpor. Vorah u vypadku atrymańnia surjoznaha adkazu pačynaje adstupać. Jość zahinułyja i paranienyja z boku krainy-ahresara. Pa stanie na siońnia vajskoŭcy i technika ŭžo zajšli ŭ horad Sumy. Tamu prašu ŭsich pryniać miery pa zabieśpiačeńni ŭłasnaj biaśpieki», — dadaŭ staršynia Abłdziaržadministracyi.
«Na žal, jość paškodžańni na terytoryi vobłaści — hazapravody harać, i ciapier niama mahčymaści ŭ hazavaj słužby vyjechać tudy, tamu što my baimsia za zdaroŭje ludziej, jakija absłuhoŭvajuć», — skazaŭ Žyvicki.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary