«Usie bajacca prychodzić dadomu biez kvietak 14 lutaha, a to potym zastanucca bieź viačery. Chočaš nie chočaš, a kvietki kupić treba», — pierakananaja pradavačka kvietak kala vakzała. Žurnalist Onliner pahladzieŭ, kolki kaštuje bukiet u śviata zakachanych u Minsku.
U paviljonach «DorOrsa», jak kažuć sami pradavački, — samyja nizkija ceny na kvietki. Ružy 30 sm — 1,9 rubla, 50 sm — 2,6 rubla, 80 sm — 3,5 rubla; ciulpany — 1,8 ‒ 2,5 rubla.
Pradaviec pryznajecca, što tydzień-dva tamu košty na kvietki krychu padraśli. Niaznačna, kapiejek na 20-30.
— Zaŭsiody na 14 lutaha dobra brali kvietki. Nie viedaju, jak budzie ŭ hetym hodzie, — kaža pradaviec u susiednim paviljonie. — Ciapier mnohija chvarejuć, i vidać, što ŭ ludziej mienš hrošaj. Raniej prychodzili i brali nie zadumvajučysia, a ciapier ličać, na jaki bukiet im chopić. Darahija bukiety taksama biaruć. Pazaŭčora ŭ mianie try čałavieki ŭziali pa 51 ružy.
Bližej da prystupak pierachoda — stały, zavalenyja ciulpanami. Kaštujuć ad troch rubloŭ za štuku.
— Jany hałandskija. My zakuplajem cybuliny ŭ Hałandyi i sami vyroščvajem u Biełarusi, — raspaviadaje pradaviec.
Samyja vysokija ceny karespandent znajšoŭ u fłarystyčnaj kramie Vetka-kvetka. U siarednim tam bukiety kaštujuć 300 rubloŭ.
Ceny pačynajucca ad 45-60 rubloŭ, ale miažy niama — samy darahi bukiet u kramie, dzie byŭ žurnalist, kaštavaŭ 505 rubloŭ. Fłaryst Alina raspaviała, što z apošnich darahich zakazaŭ byŭ košyk kvietak za 1800 rubloŭ.
Ale i kvietki tam takija, što pasprabuj znajdzi ciapier dzie. Naprykład, jość bez i pivoni, dla jakich zusim nie siezon.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?5
Kamientary