Padrabiaznaściami złačynstva dzielicca Śledčy kamitet pa Homielskaj vobłaści.
32-hadovy žychar Homielskaha rajona ŭziaŭ u baćki vialikuju sumu hrošaj i vyrašyŭ prymnožyć jaje šlacham tarhoŭ na biržy kryptavalut. Jon zarehistravaŭ elektronny kašalok i pieravioŭ na jaho nabytuju na baćkavy hrošy kryptavalutu. Tudy ž pieravioŭ kryptavalutu, uziatuju ŭ doŭh u siabra.
Zatym paciarpieły vyrašyŭ ustalavać papularnaje pašyreńnie dla braŭziera, jakoje funkcyjanuje jak kašalok dla kryptavalut i dazvalaje ažyćciaŭlać apieracyi na biržy.
Mužčyna ŭvioŭ u pošukavuju sistemu zapyt na ŭstanoŭku pašyreńnia i skarystaŭsia pieršaj prapanavanaj spasyłkaj, jakaja akazałasia fišynhavaj. Pa zapycie prahramy jon uvioŭ rekvizity svajho elektronnaha kašalka. Praź niekatory čas vyjaviŭ, što nieviadomaja asoba pieraviała ŭsiu jaho kryptavalutu ŭ ekvivalencie 34 500 dalaraŭ ZŠA na inšy elektronny kašalok.
Pa hetym fakcie zaviedzienaja kryminalnaja sprava pa č. 4 art. 212 (Kradziež majomaści šlacham madyfikacyi kampjutarnaj infarmacyi, ździejśnieny ŭ asabliva bujnym pamiery) Kryminalnaha kodeksa Respubliki Biełaruś.
Kamientary