Jak viarnuć hrošy za admienienyja kvitki «Biełavija»? Instrukcyja
Paśla incydentu z prymusova pasadžanym u Biełarusi samalotam Ryanair i aryštam pasažyraŭ — błohiera Ramana Pratasieviča i jaho dziaŭčyny Sofji Sapieha — adzin za adnym admianiajucca rejsy «Biełavii».
Dazvoły na paloty biełaruskaj kampanii ŭžo anulavali ŭ Łatvii, Šviecyi, Čechii, Ukrainie. Admianilisia rejsy ŭ Vilniu, Łondan, Paryž.
U suviazi z hetym u mnohich uźnikła pytańnie: jak viarnuć hrošy za nabytyja kvitki? Asabliva kali znachodzišsia za miažoj?
«Biełavija» prapanoŭvaje nastupnuju schiemu dziejańniaŭ:
- napisać zajavu na viartańnie hrošaj (šabłon zajavy možna spampavać pa spasyłcy tut),
- dasłać zajavu na elektronnuju poštu [email protected],
- čakać (hrošy viernuć na tuju ž kartku, ź jakoj ažyćciaŭlałasia apłata).
Kali ž bilet kuplali praz ARIP, pa hrošy daviadziecca iści ŭ ofisy kampanii.
Na pytańnie, jak šmat ludziej užo źviarnułasia ŭ kampaniju pa viartańnie hrošaj za kvitki, u pres-słužbie adkazali nastupnaje:
«Statystyki z dakładnymi ličbami pakul niama. Situacyja raźvivajecca vielmi imkliva: niama mahčymaści davać acenki. Usie siły kampanii kinutyja jakraz na toje, kab apracoŭvać zapyty pasažyraŭ. Zvarotaŭ šmat, darečy, mnohija pasažyry chočuć pieranieści daty vyletaŭ, nie ŭsie pakul chočuć adrazu viartać hrošy».
Čytajcie taksama: Kolki budzie kaštavać Biełarusi avijabajkot u vyniku pasadki Ryanair
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary