Urad u liku klučavych dla siabie zadač na 2021 hod bačyć pavieličeńnie realnych dachodaŭ nasielnictva. Ab hetym zajaviŭ žurnalistam premjer-ministr Raman Hałoŭčanka pa vynikach narady ŭ Łukašenki, piša BiełTA.
Raman Hałoŭčanka padkreśliŭ, što prahnoz raźvićcia krainy na nastupny hod budzie mieć sacyjalny charaktar.
«Heta vielmi važna ŭ niaprostuju turbulentnuju epochu, jakaja zakranuła nie tolki Biełaruś, ale i ŭ cełym uvieś śviet, jon pieražyvaje vielmi surjozny kryzis. My nazirali šerah šokaŭ dla ekanomiki ŭ hetym hodzie, i pakul niama ŭpeŭnienaści, što ŭ nastupnym hodzie situacyja ŭ suśvietnaj ekanomicy značna palepšycca, — skazaŭ jon. (…) — Klučavaja zadača — nie tolki nie dapuścić spadu žyćciovaha ŭzroŭniu, ale i pavialičyć realnyja dachody nasielnictva, stroha kantralavać ceny, impart, ale rabić heta ekanamičnymi mietadami, nie zabaronnymi, a naadvarot — rabić tyja prahramy, jakija daduć mahčymaść zrabić ajčynnyja tavary bolš pryvabnymi z punktu hledžańnia ich nabyćcia».
Naprykład, prapanujecca razhledzieć mahčymaść kredytavańnia nabyćcia nie tolki tavaraŭ, ale i pasłuh, u pryvatnaści adpačynku i lačeńnia ŭ ajčynnych sanatoryjach.
Pa anałohii z tym, jak była realizavana prahrama kredytavańnia kupli aŭtamabilaŭ Geely.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary