Žycharam Niamieččyny varta nastroicca na toje, što abmiežavalnyja miery zastanucca ŭ sile jak minimum da studzienia i mocnyja pasłableńni ŭ najbližejšy čas nie płanujucca. Ab hetym zajaviła kancler FRH Anhieła Mierkiel (Angela Merkel), vystupajučy z uradavym zajavaj pierad bundestaham, piša Deutsche Welle.
Častkovy łakdaŭn budzie admienieny nie raniej za pačatak studzienia, prynamsi na bolšaj častcy terytoryi krainy, patłumačyła kancler.
Sutačny pryrost kolkaści zaražanych karanavirusam nie źnižajecca, pasłableńni abmiežavańniaŭ niemahčymyja, patłumačyła Mierkiel.
«Našaj metaj było i zastajecca źnižeńnie kolkaści infikavanych nastolki, kab viedamstvy pa spravach achovy zdaroŭja mahli adsočvać i spyniać łancužki zaražeńnia», — praciahnuła kancler, patłumačyŭšy, što havorka idzie pra pakazčyk nie bolš za 50 vypadkaŭ zaražeńnia na 100 tysiač nasielnictva za 7 dzion.
Heta varta zrabić prynamsi za tydzień da sustreč z pažyłymi svajakami ŭ katalickija Kalady 24 śniežnia, kab śviata było «biaśpiečnym», adznačyła kiraŭnik urada. Pavodle jaje słoŭ, «nas znoŭ, biez sumnievu, čakajuć ciažkija miesiacy».
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary