Sprava 25-hadovaj žycharki Bresta Maryny Hłazavaj, jakaja abvinavačvajecca pa č. 1 art. 342 (Arhanizacyja ci aktyŭny ŭdzieł u hrupavych dziejańniach) za padziei 13 vieraśnia, pieradadziena ŭ sud. Pra heta «Bresckaj haziecie» paviedamili jaje svajaki.
«My nie viedajem, kali adbudziecca sud. Jon moža prajści ŭ listapadzie, śniežni ci navat u studzieni», — raspaviała siamja dziaŭčyny.
Raniej karystalniki sacyjalnych sietak źviarnuli ŭvahu, što listy, jakija jany adpraŭlali Marynie, viarnulisia nazad. Svajaki kažuć, što dziaŭčynie ŭviali abmiežavańnie na pierapisku, ale jano nie tyčycca členaŭ siamji.
Nahadajem, udzień 13 vieraśnia ŭ Breście prachodziła maštabnaja akcyja pratestu, jakaja skončyłasia karahodami na skryžavańni bulvara Kasmanaŭtaŭ i praśpiekta Mašerava i nastupnym razhonam pratestoŭcaŭ vadamiotam. Praz dva dni USK pa Bresckaj vobłaści raspačała kryminalnuju spravu ab masavych biesparadkach.
Marynu Hłazavu zatrymali doma ranicaj 23 vieraśnia i z tych časoŭ jana znachodzicca ŭ SIZA. 7 kastryčnika biełaruskija pravaabaroncy pryznali Marynu palityčnaj źniavolenaj.
Paźniej pravaabaroncy paviedamili, što z 24 listapada Marynu pieraviali pad chatni aryšt.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary