Biez hramadskaha transpartu, škoły pad pytańniem: Džonsan anansavaŭ nievialikaje pasłableńnie karancinu
Pasłableńnie abmiežavańniaŭ, uviedzienych z-za karanavirusa, pačniecca ŭ Vialikabrytanii z 13 maja, paviedamiŭ premjer-ministr krainy Borys Džonsan, piša RBK.
Ź sierady ludzi zmohuć zajmacca sportam na vulicy bolš čym adzin raz u dzień. Akramia hetaha, brytancam budzie dazvolena sustrakacca nie bolš čym z adnym čałaviekam na vulicy, pry ŭmovie zachavańnia dvuchmietrovaj dystancyi.
Taksama premjer abviaściŭ ab tym, što tyja, chto nie moža pracavać z domu, naprykład, u budaŭnictvie, zmohuć viarnucca na pracu. Adnak, pry hetym jany pavinny imknucca nie karystacca hramadskim transpartam i zachoŭvać dystancyju ź inšymi ludźmi.
Džonsan anansavaŭ mahčymaje adkryćcio škoł dla vučniaŭ małodšaha ŭzrostu (ad čatyroch da 11 hadoŭ) z 1 červienia. Adnak hety termin — samy rańni, kali škoły mohuć adkrycca, jon budzie zaležać ad mierkavańnia nastaŭnikaŭ i kiraŭnictva navučalnych ustanoŭ.
Niekatoryja kramy taksama mohuć adkrycca ŭ pačatku červienia, ale ŭ cełym industryja haścinnaści zastaniecca zakrytaj da lipienia jak minimum. Adkryćcio kampanij u hetaj haliny budzie zaležać ad taho, nakolki jany zmohuć arhanizavać zachavańnie dystancyi klijentami, padkreśliŭ premjer.
Zhodna ź infarmacyjaj Univiersiteta Džonsa Chopkinsa, u krainie zaražeńnie karanavariusam vyjaŭlena u 220 449 čałaviek, z pačatku pandemii pamierli 31 930 čałaviek. Pa kolkaści zaražanych kraina zajmaje treciaje miesca ŭ śviecie, pa ŭzroŭni śmiarotnaści — druhoje.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?11
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary