ANT adkazvaje na intervju Dumbadze: Deputat virtuozna pieraabuvajecca ŭ pavietry
ANT adrehavała na intervju svajho byłoha rabotnika Tenhiza Dumbadze «Našaj Nivie». Pres-sakratarka telekanała Iryna Rambalskaja dasłała ŭ Redakcyju aficyjny adkaz.
Čytajcie. Pra karanavirus, parad na 9 maja i «Saakašvili pad kajfam». Vialikaja hutarka z adzinym deputatam u mascy Tenhizam Dumbadze
«Pryjemna było atrymać ad byłoha «kalehi» takoje aryhinalnaje vinšavańnie ŭ Dzień rabotnikaŭ radyjo i telebačańnia. Tym bolš, što eks-žurnalist dahetul davierliva ŭśmichajecca kožnamu hościu i supracoŭniku ANT z partreta ŭ hanarovaj halerei asob telekanała. Darečy, akurat nasuprać kabinieta staršyni praŭleńnia, jaki, miarkujučy pa vykazvańniach deputata, nie davaŭ pracavać talenavitamu dakumientalistu.
Tak nie davaŭ, što za try hady vyjšła «usiaho» 11 jaho cykłavych prajektaŭ, 30 (!) tych samych dakumientalnych filmaŭ.
Pakiniem na sumleńni deputata inšyja jaho pakryŭdžanyja vykazvańni i źvierniemsia da faktaŭ.
Vidavočna, što deputatu składana było źmirycca z tym, što prajekt «Dychańnie płaniety» byŭ z časam zakryty z całkam abjektyŭnaj pryčyny — nizkija doli teleprahladu. Choć za dynamikaj prahramy novy staršynia ciarpliva naziraŭ try miesiacy, až da červienia 2017 hoda. Dy i inšyja prajekty Dumbadze składana nazvać papularnymi — niekatoryja ledź pieraadolvali płanku ŭ 3% pry siaredniaj doli kanała 12%.
Finalnym punktam adnosin z kanałam stała patrabavańnie zachavać za im paśla sychodu ŭ deputaty kabiniet ź piersanalnym kampjutaram u budynku telekanała ANT. Usio dla taho, kab Dumbadzie moh u volny ad deputactva čas tvaryć. Voś tolki ci jość jon u čałavieka, jaki ciapier usio bolš nie biare, a daje intervju. I parady. Ministru achovy zdaroŭja, naprykład.
Ciapierašnim kaleham Dumbadze zastajecca tolki paspačuvać umieńniu deputata nie tolki nasoŭvać masku, ale i vielmi virtuozna pieraabuvacca ŭ pavietry», — havorycca ŭ zajavie.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?5
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary