Łukašenka maje namier u najbližejšy čas pabyvać na vytvorčaściach achoŭnych srodkaŭ. Pra heta jon zajaviŭ siońnia na naradzie ŭ Minsku, pieradaje BIEŁTA.
Kiraŭnik dziaržavy daručyŭ kiraŭniku Administracyi padrychtavać pieralik pradpryjemstvaŭ, jakija vypuskajuć srodki abarony i jakija mohuć hetym zajmacca. «Ja znajdu čas pabyvać tam, dzie paliču patrebnym. I zapytaju, ci kruhłyja sutki jany pracujuć i šyjuć maski, — skazaŭ jon. — Zaraz maski i inšaje — bachiły, akulary, ščytki — kaštujuć šalonych hrošaj. Ceny padskočyli».
«Nam siońnia ŭžo prapanoŭvajuć roznyja krainy: i heta ŭ nas kupicie, i heta, i heta… A my toje, što možam zrabić sami, i hrošy pakinuć u siabie ŭ krainie, utraja daražej pačynajem kuplać za jaje miežami. Ja maju na ŭvazie srodki abarony: maski, reśpiratary i hetak dalej», — adznačyŭ Alaksandr Łukašenka.
Razam z hetym jon zaklikaŭ ludziej padychodzić da ŭsiaho ŭzvažana, u tym liku da vykarystańnia srodkaŭ indyvidualnaj abarony. «Słuchajcie, my ŭžo taksama pierahnuli z hetymi maskami. Ja učora prajechaŭ pa Minskaj vobłaści. Jedu sam za rulom. Ludzi vychodziać ź vioski na pole. I idzie čałaviek: adzin (viecier taki, nadvorje zaraz dobraje, suchoje), i maska na tvary, — padzialiŭsia nazirańniami kiraŭnik dziaržavy. — Zdymi masku, padychaj śviežym pavietram. Nu kali ty ŭ horadzie, dzie vialikaja kolkaść ludziej, adzień i chadzi hadzinu-dźvie. A navošta pamiž vioskami iści ŭ pole ŭ hetaj mascy. My ŭžo ludziej pieranapružyli. Ad čaho abaronić maska ŭ poli?»
Jak raspavioŭ pa vynikach narady kiraŭnik Administracyi prezidenta Ihar Sierhiejenka, na pasiadžeńni pastaŭleny kankretnyja zadačy pa dalejšym raźvićci sistemy achovy zdaroŭja, vyrazna vyznačanaja taktyka dziejańniaŭ. «Situacyja kantralavanaja, stabilnaja», — padkreśliŭ jon.
Kamientary