Premjer-ministr RF Dźmitryj Miadźviedzieŭ zajaviŭ, što ŭsia mahčymaja dalejšaja dadatkovaja padtrymka budzie akazvacca Biełarusi tolki tady, kali ŭsie darožnyja karty pa intehracyi buduć vykanany, pieradaje TASS.
«Praca praviedziena, [darožnyja] karty ŭzhodnienyja i ŭ pryncypie, kali surjozna hladzieć na intehracyju, my možam pierajści da jaje farsiravanaha prasoŭvańnia, a mienavita vykanać toje, što ŭ hetych kartach značycca — ź pieršaj pa tryccatuju, pryniać ŭnifikavanaje zakanadaŭstva, kab heta byli sapraŭdnyja zakony», — skazaŭ žurnalistam staršynia ŭrada RF.
Pavodle jaho słoŭ, nie ŭzhodniena 31-ja darožnaja karta, pryśviečanaja dalejšaj intehracyi, jakaja ŭklučaje stvareńnie nadnacyjanalnych orhanaŭ, adzinaj valuty i adzinaha emisijnaha centra. «Ciapier daroha dla hetaha adkryta, dakumienty ŭzhodnieny», — skazaŭ Miadźviedzieŭ.
«Usie formy dadatkovaj padtrymki, akramia taho, što ŭ nas i tak prasunutyja adnosiny, praktyčna za 8 młrd Biełaruś maje rasijskich kredytaŭ, — dadatkovyja formy kredytavańnia mahčymyja tolki ŭ vypadku, kali darožnyja karty buduć vykanany i ŭvasobiacca ŭ zakony», — padkreśliŭ kiraŭnik kabinieta ministraŭ RF. Na jaho dumku, u hetym vypadku možna budzie havaryć ab kampiensacyi padatkovaha manieŭru dla Biełarusi i pra inšyja pytańni.
Kamientary