Alaksandr Łukašenka pryniaŭ z dakładam kiraŭnika spraŭ prezidenta Biełarusi Viktara Šejmana, piša BiełTA.
Adnoj z hałoŭnych tem sustrečy stała raźvićcio supracoŭnictva Biełarusi z krainami Afryki. «My damaŭlalisia, što vy pabudziecie ŭ šerahu krain, ź jakimi my sprabujem supracoŭničać i ŭ nas zaviazalisia dobryja adnosiny. Kab razumieć (tut chavać niama čaho), na jakija dziaržavy ŭ Afrycy nam abapiracca dla vybudoŭvańnia adnosin na dalokaj duzie. Vy bolš, čym chto-niebudź, hetym zajmalisia. Što vy možacie prapanavać u suviazi z hetym, na kaho budziem abapiracca, z kim budziem supracoŭničać?» — zadaŭ pytańnie kiraŭnik dziaržavy.
Druhi šerah pytańniaŭ tyčyŭsia raboty Upraŭleńnia spravami prezidenta, padparadkavanych pradpryjemstvaŭ i arhanizacyj. Alaksandr Łukašenka adznačyŭ, što heta vielizarnaja struktura, jakaja ŭklučaje ŭ siabie samyja roznyja napramki dziejnaści — ad narodnych mastackich promysłaŭ da sielskahaspadarčych pradpryjemstvaŭ i nacyjanalnych parkaŭ. «Kali jość prablemy, ich treba ciapier abaznačyć i vyrašyć na praciahu hoda», — skazaŭ jon.
U suviazi z hetym jon nahadaŭ, što nastupnyja dva hady buduć ispytam dla ŭsioj viertykali. «Ekzamieny zdajem usie, u tym liku i vy», — padkreśliŭ biełaruski kiraŭnik.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?5
Kamientary