«Staju, bajusia pavarušycca». Łalita cpyniła kancert u Mahilovie z-za drennaha samaadčuvańnia. Jaje advieźli ŭ balnicu
Rasijskija śpiavačka Łalita Milaŭskaja, što vystupaje z kancertami ŭ Biełarusi, vymušana była spynić kancert u Mahilovie z-za drennaha samaadčuvańnia. Vystup prachodziŭ u Ladovym pałacy, paviedamlajuć «Mahiloŭskija viedamaści».
Jašče napiaredadni vystupu ŭ jaje rezka padskočyŭ cisk. Miedyki pasprabavali jaho źbić, ale ničoha nie vyjšła. Łalita pačuvałasia błaha. Niahledziačy na heta, jana pačała solnik, navat vykanała niekalki piesień i sprabavała žartavać:
— 55 hadoŭ — heta kali rok-n-roł syšoŭ nazaŭsiody. U mianie realna šybanuŭ cisk. Staju, bajusia pavarušycca. Vybačajcie, kali łaska…
U vyniku śpiavačcy ŭsio ž taki pryjšłosia pakinuć scenu. Pa niekatorych źviestkach, jaje ź Ladovaha pałaca chutkaja dapamoha adviezła ŭ adnu z mahiloŭskich balnic.
Ci budzie pieraniesieny kancert, stanie viadoma praz dva tydni. U advarotnym vypadku hledačam viernuć hrošy, paviedamiŭ pradstaŭnik śpiavački.
Cikava, što pierad hetym Łalita ŭ svaim instahramie padzialiłasia ŭražańniami pra Biełaruś, napisała pra ludziej-pracaholikaŭ, nazvała krainu «vydatnaj».
Praŭda, jana taksama napisała, što brat jaje muža — Dźmitryja Ivanova — ciažka chvory, jaho nie zdoleli pastavić na nohi ŭ Mahilovie, i tolki dziakujučy tamu, što jana śpiavačka i ŭ jaje jość siabroŭka Anita Coj, — jana ciapier ratuje svajho svajaka ŭ maskoŭskim špitali.
Častka kamientataraŭ stała zyčyć chutčejšaha vyzdaraŭleńnia svajaku, ale častka ŭlezła ŭ dyskusiju, jak pravilna pišacca nazva krainy, bo Łalita napisała: «Biełoruśsija». U vyniku Łalita nie vytrymała i pasłała ŭdzielnikaŭ dyskusii.
«Heta z čaho raptam ja pavinna pieravučvacca? Moža, vy spačatku pačniacie lačyć u špitalach? A potym pravapisam zojmiemsia? Za***.. pravapisam», — napisała jana.
Jejny dopis sabraŭ bolš za 1000 kamientaroŭ.
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy2
Kamientary