Z dapamohaju novaje prapanovy ad Arche kožny zmoža bližej paznajomicca z historyjaj i kulturaju krain i nacyjaŭ našaje častki Jeŭropy. Heta dazvolić nam pahladzieć i na Biełaruś inšymi vačyma.
Pazirajučy z Rasiei, Biełaruś — maleńkaja dy, možna skazać, vypadkovaja dziaržava. Hledziačy ź Jeŭropy, Biełaruś — vialikaja pa jeŭrapiejskich mierkach kraina (čyja płošča nie nadta sastupaje Polščy ci navat Niamieččynie), a jejny šlach da niezaležnaści mała čym roźnicca ad słavienskaha ci słavackaha.
Hetaja akcyja dazvolić čytačam ujavić Biełaruś u jeŭrapiejskaj supolnaści nacyjaŭ, pa-za arbitaju «russkoho mira», adčuć siabie eŭrapiejcam. Miesca Biełarusi — u Jeŭropie. Tolki ŭ jeŭrapiejskim kłubie nacyjaŭ, dzie niama miesca rusifikacyi j praktykam aŭtarytarnaha palityčnaha daminavańnia, Biełaruś zmoža realna abaranić svaju aŭtentyčnuju kulturu, zabiaśpiečyć stabilnaje doŭhaterminovaje raźvićcio, kažučy słovami Kupały, zaniać svoj pačesny pasad miž narodami.
U ramkach akcyi redakcyja prapanuje 21 vydańnie (8 papiarovych i 13 elektronnych).
Nacyi j rehijony, pra jakija pojdzie havorka: Aŭstryja, Rasieja, Ukraina, Ałbanija, Charvatyja, Šviecyja, Makiedonija, Italija, Niamieččyna, Polšča, Aŭstra-Vuhorščyna, Irłandyja, Bałkany, Słavienija, Baŭharyja, Słavaččyna, Litva, Čechija.
Kulturnyja, palityčnyja j hieahrafičnyja realii, pra jakija pojdzie havorka: Berlinskija vulicy (Majakoŭskirynh), nielehalnaja mihracyja, vienskija kaviarni, u tym liku «Café Central», Halicyja, masavyja mahiły ŭ Katyni, Miednym i Piacichatkach niedaloka ad Charkava, irłandskaja litaratura, Ježy Hiedrojć, Vilnia, Praha, Varšava, Čarnaŭcy, Sarajeva, italjanski j niamiecki fašyzm, asnoŭnyja palityčnyja instytuty FRH, palityčnaja kultura ŭ Niamieččynie, nietradycyjnyja praktyki kłasikaŭ aŭstryjskaje litaratury, draŭlanyja bažnicy Słavaččyny.
Prapanova dziejničaje da 9 śniežnia. Pra toje, jak atrymać vydańni, možna daviedacca na sajcie časopisa Arche.
-
Ščadroŭku z Homielščyny viedajuć miljony ludziej pa ŭsim śviecie. U samoj Biełarusi pra jaje mała chto čuŭ
-
U čatyroch polskich haradach adbudziecca sinchronny fiestyval salidarnaści i kultury Belarus Outside Sound System
-
Reniesansny šedeŭr z Halšanaŭ nabyŭ novy vyhlad. Tak jon moh vyhladać čatyry stahodździ tamu
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady35
Kamientary