Žychary damoŭ u Braniavym i Vajskovym zavułkach zmahli paŭpłyvać na prapanovu architektaraŭ pa raźvićci ich kvartała: nadbudoŭvać mansardnyja pavierchi darahim trochpaviarchovym stalinkam i ŭščylniać dvary dziciačymi sadkami ŭ centry horada nie buduć, paviedamlaje Tut.by.
Hramadskaje abmierkavańnie prajekta kvartałaŭ la płoščy Pieramohi ŭ miežach vuł. — vuł. Frunzie — prasp. Niezaležnaści — vuł. Kazłova — vuł. Płatonava — vuł. Čapajeva zaviaršyłasia ŭ kancy červienia. Pa prajekcie, nahadajem, architektary prapanavali nadbudavać mansardnyja pavierchi ŭ čatyroch stalinkach, uščylnić dva dvary dziciačymi sadkami, pabudavać haražy-stajanki.
Na prezientacyi prajekta žychary damoŭ vystupili kateharyčna suprać prapanoŭ architektaraŭ. A paźniej napisali nie adzin kalektyŭny zvarot u administracyju Partyzanskaha rajona z prośbaj uličyć ich mierkavańnie.
Žychary doma № 10 pa Vajskovym zavułku ŭ svaim zvarocie napisali, što jany kateharyčna suprać źniščeńnia zialonaj zony ŭ dvary svajho doma dziela budaŭnictva dziciačaha sadka. A mansardnyja pavierchi źniščać histaryčnuju značnaść kvartała.
«Vysiečka zialonaj zony — heta likvidacyja maleńkich «lohkich» dadzienaha siektara, što značna pahoršyć umovy i jakaść žyćcia žycharoŭ kvartała, u asnoŭnym piensijanieraŭ», — pišuć u svaim zvarocie žychary doma.
Žychary doma № 4 u Braniavym zavułku taksama napisali kalektyŭny zvarot. U im jany adznačajuć, što ŭ dvary ich doma rastuć unikalnyja šmathadovyja zdarovyja drevy, vysiečka jakich była b vidavočnym varvarstvam i viała b nie tolki da paharšeńnia ekałahičnaj abstanoŭki, ale i da ŭźniknieńnia sacyjalnaj napružanaści. Tym bolš što vysiečka dreŭ dziela budaŭnictva dziciačaha sadka — niełahičnaje rašeńnie: u kvartale niekalki starych dziciačych sadoŭ raniej addali pad ofisy.
Administracyja rajona kalektyŭnyja zvaroty razhledzieła i adpraviła prapanovy žycharoŭ u kamitet architektury i horadabudaŭnictva. Tam vyrašyli:
— vyklučyć z prajekta rekanstrukcyju šmatkvaternych damoŭ z nadbudovaj mansardnych pavierchaŭ pa zavułku Braniavym, 10, 12, 13, i zavułku Vajskovym, 13;
— vyklučyć z prajekta budaŭnictva dziciačych sadoŭ pa zavułku Braniavym i na vulicy Zacharava.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary