U Minsku ŭ vyniku łabavoha sutyknieńnia aŭtamabilaŭ paciarpieli čatyry čałavieki, paviedamiła BiełTA staršy inśpiektar pa ahitacyi i prapahandzie ADAI RUUS Frunzienskaha rajona Alena Vołčak.
Avaryja adbyłasia siońnia ŭ 13.05. «Miersiedes» pad kiravańniem maładoha čałavieka 1991 hoda naradžeńnia ruchaŭsia pa vulicy Šaranhoviča ŭ kirunku vuł. Hareckaha, vyjechaŭ na sustrečnuju pałasu i ździejśniŭ łabavoje sutyknieńnie z aŭtamabilem «Opiel» pad kiravańniem mužčyny 1958 hoda naradžeńnia.
U vyniku DTZ paciarpieli čatyry čałavieki: abodva kiroŭcy i dva pasažyry «Miersiedesa», jany dastaŭlenyja ŭ balnicu chutkaj miedycynskaj dapamohi.
Pa słovach vidavočcaŭ, «Miersiedes» ruchaŭsia ź vialikaj chutkaściu.
Jak prainfarmavała Alena Vołčak, kiroŭca «Miersiedesa» nie maje paśviedčańnia i, adpaviedna, prava kiravańnia aŭtamabilem.
U vyniku sutyknieńnia aŭtamabilaŭ pasažyr «Miersiedesa» byŭ zacisnuty ŭ aŭto. Jaho debłakavali z sałona rabotniki MNS u 13.45 z vykarystańniem avaryjna-vyratavalnaha instrumienta. Mužčynu pieradali bryhadzie miedykaŭ, ź ciažkimi atrymanymi traŭmami jon špitalizavany.
Kiroŭca «Miersiedesa» z papiarednim dyjahnazam «čerapna-mazhavaja traŭma, pierałom rebraŭ, udar levaj nahi» taksama dastaŭleny ŭ balnicu. Špitalizavany i kiroŭca aŭtamabila «Opiel-Astra» z papiarednim dyjahnazam «čerapna-mazhavaja traŭma lohkaj stupieni, pierałom 3—9 rebraŭ, udar hrudnoj kletki, adkrytaja traŭma žyvata, pierałom levaj kiści».
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?5
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary