Kiraŭnik FPB prapanavaŭ adradzić u Biełarusi sistemu pracoŭnych spabornictvaŭ
Sistemu pracoŭnych spabornictvaŭ nieabchodna adradžać ŭ Biełarusi. Takoje mierkavańnie ŭ intervju haziecie «Respublika» ahučyŭ staršynia Fiederacyi prafsajuzaŭ Michaił Orda.
«Heta treba viartać jak sistemu. Na heta my i nacelvajemsia, — skazaŭ jon. — Tak, my nie možam na 100% kapijavać saviecki dośvied. Ale sabracca vialikim kołam, z pradstaŭnikami pracoŭnych kalektyvaŭ, najmalnikaŭ, urada i pradumać takuju madel na ŭzroŭni Nacyjanalnaj rady pa pracoŭnych pytańniach treba. Meta - uźniać prestyž pracy, rolu čałavieka pracy».
Michaił Orda adznačyŭ, što miescami ŭ krainie pracoŭnyja spabornictvy zastalisia. «Tam, dzie jašče pracujuć, jak ich nazyvajuć, čyrvonyja dyrektary, heta jość. I hetyja vyspački treba nie tolki nie zhubić, ale i pasprabavać ich dośvied raspaŭsiudzić, - skazaŭ jon. - Ja jezdžu pa pradpryjemstvach i baču, što tam, dzie nie nadajecca naležnaj uvahi čałaviečamu faktaru, dzie niama sistemy zaachvočvańniaŭ, tam i vynik zaŭsiody nižejšy. Prosta nastroj ludziej chałodny, niama vytvorčaj źviazki, duchu kalektyvu, kali kožny pieražyvaje za pradpryjemstva, jak za svajo».
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary