Śpikier Savieta Fiederacyi Rasii Valancina Maćvijenka zajaviła, što daručyła adrazu niekalkim kamitetam vierchniaj pałaty parłamienta prapracavać pytańnie ab rehulavańni ŭdziełu niepaŭnaletnich u niaŭzhodnienych akcyjach, pieradaje RBK.
Pa vynikach abmierkavańnia Saviet Fiederacyi moža prapanavać adpaviednyja papraŭki ŭ zakanadaŭstva.
Maćvijenka daručyła sienataram «vyvučyć mižnarodny vopyt i razharnuć dyskusiju ŭ hramadstvie» na hetuju temu.
Maćvijenka adznačyła, što zabarona na ŭdzieł niepaŭnaletnich u mitynhach moža być realizavanaja praz pryciahnieńnie da adkaznaści baćkoŭ.
Raniej Valancina Maćvijenka zajaviła ŭ intervju haziecie «Iźviestija», što niepaŭnaletnija nie pavinny brać udzieł u pratestnych akcyjach, asabliva ŭ niesankcyjanavanych.
Akramia taho, śpikier padkreśliła, što sučasnyja technałohii dazvalajuć vielmi chutka arhanizoŭvać ludziej, u tym liku zaklikać dziaciej da ŭdziełu ŭ mitynhach.
Paźniej upaŭnavažanaja pa pravach čałavieka Taćciana Maskalkova ŭchvaliła inicyjatyvu Valanciny Maćvijenka. Na jaje dumku, abmiežavańni ŭ zakanadaŭstvie na naviedvańnie publičnych mierapryjemstvaŭ nakiravanyja na pavyšeńnie «ŭzroŭniu biaśpieki niepaŭnaletnich».
***
26 sakavika pa ŭsioj Rasii prajšli antykarupcyjnyja akcyi. Aficyjna ŭłady ŭzhadnili 24 mitynhi, arhanizatary zajaŭlali ab praviadzieńni akcyj pratestu ŭ sta rasijskich haradach.
Jak paviedamlałasia sa spasyłkaj na pradstaŭnika MUS pa Maskvie, u chodzie pratestnaj akcyi było zatrymana 92 padletki.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary