Praŭleńnie Nacyjanalnaha banka Respubliki Biełaruś pryniało rašeńnie ab źnižeńni z 19 krasavika 2017 h. staŭki refinansavańnia — z 15 da 14 pracentaŭ hadavych, a taksama stavak pa pastajanna dastupnych i dvuchbakovych apieracyjach pa padtrymcy biahučaj likvidnaści bankaŭ — z 18 da 17 pracentaŭ hadavych i stavak pa pastajanna dastupnych apieracyjach vyviadzieńnia likvidnaści — z 10 da 9 pracentaŭ hadavych, paviedamlaje pres-słužba.
Rašeńnie ab dalejšym źnižeńni stavak pryniata Praŭleńniem Nacyjanalnaha banka pa vynikach razhladu pytańnia ab biahučych pracesach u ekanomicy i hrašova-kredytnaj śfiery, a taksama prahnozu raźvićcia situacyi da kanca 2017 hoda.
Inflacyja ŭ Biełarusi praciahvaje źnižacca bolš značnymi tempami, čym prahnazavałasia. Heta tendencyja ŭ asnoŭnym abumoŭlena asłableńniem inflacyjnaha cisku z boku fundamientalnych i manietarnych faktaraŭ. Pryrost spažyvieckich cen, a taksama pakazčyki bazavaj i trendavaj inflacyi ŭ sakaviku 2017 h. i ŭ bližejšyja miesiacy čakajucca na ŭzroŭni mienš za 7 pracentaŭ u hadavym vyražeńni.
Kamientary