Tramp i Klintan pamianialisia pałami u pjesie-ekśpierymiencie pra vybary ŭ ZŠA
Amierykanskija navukoŭcy arhanizavali śpiektal pra prezidenckija debaty pamiž Donaldam Trampam i Chiłary Klintan, jakija adbylisia ŭ kastryčniku 2016 hoda.
Maryja Huadałupie, prafiesar ekanomiki i palityčnych navuk ź biznes-škoły INSEAD, i Džo Sałvatore, prafiesar u śfiery teatralnaj adukacyi z Univiersiteta Ńju-Jorka, damoviłsia pastavić dramu z absalutna tymi ž replikami, ruchami, intanacyjami i navat vyrazami tvaru, jak u kandydataŭ u prezidenty.
Tolki Donalda Trampa hrała žančyna, a Chiłary Klintan — mužčyna.
Idejaj prafiesaraŭ było pravieryć, nakolki staŭleńnie da pavodzinaŭ ludziej pamianiajecca ŭ zaležnaści ad taho, mužčyna ci žančyna vymaŭlaje tyja ž samyja słovy, piša sajt Univiersiteta Ńju-Jorka.
Navukoŭcy, pačynajučy prajekt, dumali, što ekśpierymient padćvierdzić niaroŭnaść pałažeńnia žančyny i mužčyny na debatach, što rezkaść Trampa budzie vyhladać jašče bolš niedaravalnaj z boku žančyny, a mierkavanaja kampietentnaść Klintan budzie jašče bolš pierakanaŭčaj, kali jaje budzie demanstravać mužčyna.
Pierad pjesaj i paśla jaje pravodzilisia dva apytańnia aŭdytoryi, jakaja pieravažna składałasia z pradstaŭnikoŭ akademičnych kołaŭ, a taksama adbyłasia dyskusija, padčas jakoj hledačy mahli abmierkavać ubačanaje.
«Ludzi byli ździŭlenyja, bo ich čakańni nie spraŭdzilisia», — adznačaje prafiesar Huadałupie.
Mnohija byli šakavanyja, što nie ŭbačyli ŭ replikach Klintan, jakija vymaŭlaŭ aktor-mužčyna, taho, što vyklikała davier, kali hučała z boku sapraŭdnaj Klintan. U toj ža čas pavodziny aktorki-«Trampa» zdalisia słuchačam kudy bolš pryvabnymi i razumnymi.
«Taja ž samaja sprečka. Chiłary piedantyčnaja, a Tramp viadz siabie jak razzłavany chłopčyk. Adnak ja ździŭleny, što słovy Trampa hučać bolš razumna i trapna z vusnaŭ žančyny», — kaža adzin z kamientataraŭ na youtube.
«Uaŭ. Mužyk sprava vyhladaje zanadta ŭśmiechlivym palitykam-padmanščykam, machlarom. A žančyna źleva - bolš čałaviečnaj, jak hołas narodu, jaki złujecca na pranyrlivych palitykanaŭ u ichnych strojach. Kab Tramp byŭ žančynaj, jon by pieramoh z ahromnym adryvam», — napisaŭ inšy hladač.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary