Kolkaść žycharoŭ FRH zamiežnaha pachodžańnia dasiahnuła rekordnaha ŭzroŭniu
U Hiermanii pražyvaje 17,1 młn čałaviek zamiežnaha pachodžańnia, heta rekordny pakazčyk za ŭsiu historyju krainy. Takija dadzienyja pradstaviła ŭ piatnicu, 16 vieraśnia, Fiederalnaje statystyčnaje viedamstva.
Dola ludziej z zamiežnymi karaniami ŭ nasielnictvie FRH składaje ŭ dadzieny momant 21%. U paraŭnańni z papiarednim hodam, hety pakazčyk vyras na 4,4%. Daśledčyki źviazvajuć takija źmieny ź vialikaj kolkaściu imihrantaŭ, jakija prybyli ŭ Niamieččynu za apošni čas. Ludźmi zamiežnaha pachodžańnia ličacca hramadzianie, narodžanyja ŭ inšych krainach, a taksama tyja, u kaho tolki adzin z baćkoŭ źjaviŭsia na śviet za miežami FRH. Bolš za ŭsio ŭ Niamieččynie vychadcaŭ z Turcyi, Polščy i Rasii.
Žychary FRH zamiežnaha pachodžańnia ŭ siarednim prykmietna maładziejšyja za karennych niemcaŭ, kožny treci va ŭzrostavaj hrupie da 18 hadoŭ maje zamiežnyja karani. Akramia taho, niemcy z zamiežnymi karaniami čaściej akazvajucca biespracoŭnymi i nie majuć siaredniaj adukacyi.
Kamientary