Na siońniašniaj naradzie kiraŭnika CVK Lidzii Jarmošynaj z Alaksandram Łukašenkam było vyrašana pravieści vybary ŭ parłamient 11 vieraśnia. Adnak akramia hetaha prezident uchvaliŭ prapanovy CVK ab tym, kab zrabić vybarčy praces bolš prazrystym u adpaviednaści z rekamiendacyjami ABSIE pa vynikach prezidenckich vybaraŭ 2015 hoda. Pra toje, što źmienicca ŭ budučaj kampanii, raspaviała Lidzija Jarmošyna.
Kiraŭnik CVK paviedamiła, što na naradzie z Alaksandram Łukašenkam było vyrašana, što da prapanoŭ, jakija datyčacca vybarčaha zakanadaŭstva, subjekty zakanadaŭčaj inicyjatyvy viernucca paśla vybaraŭ, u kancy hetaha hoda.
— Była ŭzhodnienaja pazicyja CVK: udaskanalić pravaprymianialnuju praktyku i ŭličyć u joj niekatoryja prapanovy BDIPČ ABSIE.
Siarod navinak budučych parłamienckich vybaraŭ — pavyšeńnie prazrystaści pracesu farmavańnia vybarčych kamisij.
— CVK padrychtuje pastanovu, jakaja budzie abaviazkovaj dla vykankamaŭ, ab paradku farmavańnia vybarčych kamisij. Hety praces pavinien prachodzić nie tolki hałosna, ale i dyskusijna. U vypadku konkursu na miescy ŭ vybarkamach pavinna pravodzicca dyskusija i davacca tłumačeńni, čamu addajecca pieravaha na karyść toj ci inšaj kandydatury.
Druhaja prapanova tyčycca prazrystaści razhladu vybarčych sprečak.
— Usie rašeńni, jakija vynosiać vybarčyja kamisii ŭsich uzroŭniaŭ, publikavać u hłabalnaj sietcy Internet.
Narešcie, treciaja prapanova — pavyšeńnie prazrystaści pry padliku hałasoŭ.
— Była ŭzhodnienaja inicyjatyva CVK ab tym, što ŭvieś padlik biuleteniaŭ budzie pravodzicca na adnym baku stała. Naziralniki buduć mieć poŭnuju mahčymaść bačyć praces padliku hałasoŭ. Akramia taho, naziralnikam budzie pradastaŭlacca infarmacyja, jakaja nie praduhledžana art. 13 Vybarčaha kodeksa, naprykład, źviestki pra kolkaść vybarščykaŭ, źviestki pra kolkaść prahałasavaŭšych vybarščykaŭ. Mižnarodnyja naziralniki buduć dapuščanyja ŭ akruhovyja kamisii pry pryjomcy pratakołaŭ ad učastkovych kamisij.
Pa słovach Jarmošynaj, hetaja praktyka budzie ciapier raspaŭsiudžanaja na ŭsie vybarčyja kampanii.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary