Kancylaryja prem`ier-ministra Izraila Bińjamina Nietańjachu 16 sakavika raspaŭsiudziła aficyjnaje paviedamleńnie ab tym, što izrailskaje pasolstva ŭ Biełarusi praciahnie pracu.
«Prem`ier-ministr Bińjamin Nietańjachu pryniaŭ rašeńnie nie zakryvać pasolstva Izraila ŭ Minsku (Respublika Biełaruś)», — cytuje internet-vydańnie NEWSru.co.il paviedamleńnie pres-słužby kancylaryi kiraŭnika ŭrada.
«Heta rašeńnie było pryniata paśla sieryi kansultacyj z kiraŭnikami MZS i ź ministram Elkinym, — havorycca ŭ paviedamleńni. «Prem`ier-ministr ličyć važnym zachavańnie dypłamatyčnaha pradstaŭnictva ŭ hetaj krainie», — zajavili ŭ asiarodździ Nietańjachu.
Redakcyja NEWSru.co.il źviarnułasia pa kamientaryj pa hetym pytańni ŭ pres-słužbu MZS Izraila, dzie paviedamili, što «pryniata pryncypovaje rašeńnie zachavać pradstaŭnictva Izraila ŭ Minsku, adnak na hety momant nieviadoma, u jakim mienavita farmacie i składzie jano budzie pracavać».
Pavodle słoŭ pradstaŭnika źniešniepalityčnaha viedamstva, «uzvažvajucca samyja roznyja varyjanty: moža być, heta budzie konsulstva, moža być, hrupa dypłamataŭ, jakija dziejničajuć u ramkach kulturnaj misii».
Pra toje, što Izrail maje namier zachavać svajo dypłamatyčnaje pradstaŭnictva ŭ Biełarusi, BiełaPAN paviedamiła 10 sakavika časovy pavierany ŭ spravach pasolstva Izraila ŭ Biełarusi Julija Račynski-Śpivakoŭ. Jana adznačyła, što ŭ najbližejšyja terminy pasolstva čakaje kankretnych ukazańniaŭ z MZS Izraila.
Jak paviedamlałasia raniej, u žniŭni 2015 hoda ŭrad Izraila padtrymaŭ prapanovu prem`ier-ministra Nietańjachu ab likvidacyi siami dypłamatyčnych pradstaŭnictvaŭ u suviazi sa skaračeńniem vydatkaŭ. U liku takich dyppradstaŭnictvaŭ izrailski prem`ier nazvaŭ i pasolstva ŭ Biełarusi. Krychu paźniej były izrailski pasoł u Biełarusi Iosif Šahał paviedamiŭ, što ŭ MZS Izraila stvorana kamisija pa vyvučeńni pytańnia ab skaračeńni siami dyppradstaŭnictvaŭ u śviecie. Ci zakranie skaračeńnie pasolstva ŭ Minsku, nieviadoma, dadaŭ jon.
26 listapada pamiž Biełaruśsiu i Izrailem pačaŭ dziejničać biaźvizavy režym.
U studzieni 2016 hoda pres-słužba biełaruskaha MZS paviedamiła, što ŭ adkaz na zakryćcio pasolstva Izraila ŭ Minsku Biełaruś zakryje svajo pasolstva ŭ Tel-Avivie, jak heta praduhledžana «zvyčajnaj dypłamatyčnaj praktykaj». «Ličym, što izrailski bok robić pamyłku, ihnarujučy toj fakt, što nas źviazvajuć losy dziasiatkaŭ tysiač ludziej, dla jakich Izrail i Biełaruś ź`iaŭlajucca blizkimi i rodnymi krainami, a taksama ŭ cełym pazityŭnuju dynamiku dvuchbakovych adnosin u roznych śfierach», — adznačałasia ŭ paviedamleńni MZS.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary