Biełaruski karpunkt budzie multymiedyjnym chabam, u jakim buduć pracavać 20 čałaviek. Jaho ŭznačalić Andrej Kačura, jaki raniej pracavaŭ u Biełarusi na «Viesti FM» i VHTRK.
«Rośsija siehodnia» taksama zapuścić sajt «Sputnik-Biełaruś», jaki budzie pracavać na ruskaj, a paźniej i biełaruskaj movie.
MIA «Rośsija siehodnia» i jaho dyrektar Dźmitryj Kisialoŭ niaredka krytykujucca za miažoj.
The Guardian charaktaryzuje Kisialova jak łajalnaha prychilnika Pucina, jaki adkryta vykazvaje antyamierykanskija, antyapazicyjnyja i hamafobskija pohlady dy źjaŭlajecca «ruparam prapahandy». The Economist śćviardžaje, što ŭ pieradačach Kisialova ŭžyvajecca pryncyp «dvuchvilinak nianaviści» z ramana Džordža Orueła 1984, raspalvajecca strach i nianaviść.
Hladzicie taksama: Ukrainskija komiki «Kvartał 95» vypuścili parodyju na Kisialova «Łžiec, łžiec»
Pa słovach Kisialova, prajekt Sputnik, što budzie pracavać na troch dziasiatkach moŭ u roznych krainach śvietu, raźličany na aŭdytoryju, jakaja «stamiłasia ad naviaźlivaj prapahandy adnapalarnaha śvietu i maje patrebu ŭ alternatyŭnym punkcie hledžańnia».
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary