Historyja kachańnia: bajec-ukrainiec, miedsiastra, jakaja dahladała jaho ŭ balnicy, i chaski
5 kastryčnika ŭ prahramy «Advažnyja sercy» na kanale «1+1» bajec ATA Siarhiej zrabiŭ prapanovu ruki i serca miedsiastry Anastasii, jakaja ratavała jaho žyćcio.
Dziaŭčyna adkazała «Ja zhodnaja», nie razdumvajučy.
Siarhiej — dobraachvotnik z Łuhanska. Jon byŭ ciažka paranieny ŭ bai — u charkaŭskuju balnicu jaho dastavili ź ciažkaj traŭmaj pazvanočnika. U balnicy miedsiastra Naścia nie adychodziła ad jaho łožka. Zaraz Siarhiej užo pierasoŭvajecca samastojna, choć i z dapamohaj mylic.
Prapanova ruki i serca stała dla dziaŭčyny absalutnym siurpryzam. Uvajšoŭšy ŭ studyju, Siarhiej padaryŭ Naści kvietki, paśla čaho niečakana dastaŭ piarścionak.
«Naścia, ty vielmi mocna źmianiła majo žyćcio da lepšaha. Ciapier majo serca naležyć tabie. Budź majoj žonkaj!», — skazaŭ chłopiec.
Siarhiej pryznaŭsia, jaki padarunak chacieŭ by zrabić kachanaj — heta ščaniuk parody chaski, pra jakoha Naścia maryć. A ŭžo praź niekalki chvilin u studyju uvajšoŭ śpiavak Arsien Mirzajan, i ŭ rukach u jaho byŭ mienavita taki ščaniuk. Svaich novych haspadaroŭ sabačka adrazu palubiŭ i adrazu uładkavaŭsia ŭ ich na rukach.
Temaj hetaha efiru staŭ hieraizm miedykaŭ, jakija ratujuć žyćci bajcam ATA. Hościem studyi staŭ vajenny lekar Usievaład Ściabluk, jaki zdoleŭ vyciahnuć ź Iłavajskaha katła amal 90 paranienych ukrainskich bajcoŭ.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary