Łukašenka daručyŭ prapracavać pytańnie pieradačy budynka lečkamisii Minsku
Alaksandr Łukašenka 15 maja zasłuchaŭ dakład pa pytańni zabiaśpiečanaści stalicy balničnymi miescami.
«Horadu patrebna balnica. Niemałaja balnica. Ja, viadoma, vielmi akuratna i aściarožna staŭlusia da budaŭnictva novych balnic, treba było b narmalna zahruzić isnujučyja, ale tym nie mienš», — adznačyŭ Łukašenka.
U jakaści adnaho z varyjantaŭ prapanujecca razhledzieć pieradaču ŭ padparadkavańnie haradskich uładaŭ budynka Respublikanskaha kliničnaha miedycynskaha centra Upraŭleńnia spravami Prezidenta Biełarusi, raźmieščanaha ŭ centry Minska, i budaŭnictva novaha, bolš kampaktnaha, budynka dla lečkamisii ŭ pryharadzie.
«U nas jość tak zvanaja prezidenckaja balnica ŭ padparadkavańni Upraŭleńnia spravami prezidenta, tamu, kab nie budavać novyja lakarni, my mahli b hetuju machinu pieradać horadu, a pabudavać nievialiki kliničny centr dla vykanańnia tych funkcyj, jakija siońnia vykonvaje balnica pry Upraŭleńni spravami prezidenta, pabudavać dzieści pad horadam ci ŭ horadzie», — skazaŭ Łukašenka.
Kiraŭnik dziaržavy nahadaŭ, što takija prapanovy hučali i raniej.
Alaksandr Łukašenka źviarnuŭ uvahu na toje, što padobny varyjant zapatrabuje mienšych finansavych vydatkaŭ: «Heta było b našmat tańniej dla krainy: my addajom Ładućku (mer Minska) hetuju balnicu, a zamiest jaje, kab horad nie marnavaŭ $ 500 młn na budaŭnictva novaj balnicy, mahli b u piać razoŭ tańniej pabudavać nievialiki kampaktny centr».
Łukašenka zapatrabavaŭ dałažyć ab prapracoŭcy hetaha pytańnia, košcie budaŭnictva, a taksama miescy, zabudoŭščyku i terminach.
Pa vynikach dakładu Alaksandr Łukašenka daručyŭ detalova praličyć prapanovy i ŭnieści na jaho razhlad najbolš aptymalny varyjant.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary