Vypadak adbyŭsia 14 maja. U 11.30 u milicyju patelefanavała 19-hadovaja supracoŭnica pošty ŭ vioscy Chałcholica.
Dziaŭčyna raskazała, što prykładna ŭ 11.10 u pamiaškańnie adździaleńnia pošty zajšoŭ nieviadomy ŭ mascy, nakiravaŭ na jaje pistalet i zapatrabavaŭ vydać hrošy.
Dziaŭčyna, abaraniajučysia, pyrsnuła z hazavaha bałončyka, ale mužčyna niekalki razoŭ udaryŭ jaje pa hałavie rukajatkaj pistaleta.
Paśla čaho zabraŭ z kasy kala 15 miljonaŭ rubloŭ i źnik.
Mužčyna byŭ zatrymany ŭ 12.45 u vioscy Kiščyna Słabada za dva kiłamietry ad Chałcholicy načalnikam AAPP Starabarysaŭskaha adździeła milicyi i tryma ŭčastkovymi inśpiektarami. Padčas pravierki dakumientaŭ mužčyna trymaŭsia spakojna i ŭpeŭniena adkazvaŭ na pytańni. Tym nie mienš, padčas asabistaha nadhladu ŭ jaho byŭ znojdzieny hazavy pistalet, bujnaja suma hrošaj.
Zatrymany — 43-hadovy žychar Barysava, pa prafiesii mantažnik.
Pavodle słoŭ mužčyny, učynić złačynstva jaho vymusiła ciažkaje materyjalnaje stanovišča, šmatlikija kredyty, jakija jon braŭ u bankach na praciahu apošnich hadoŭ, a taksama najaŭnaść na ŭtrymańni pieciarych dziaciej.
U dačynieńni da zatrymanah raspačata sprava pa č. 1. art. 207 KK (razboj). Jon źmieščany ŭ izalatar časovaha ŭtrymańnia.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary