MZS Biełarusi zaklikaŭ sieparatystaŭ Danbasa da ŭdziełu ŭ ahulnanacyjanalnym dyjałohu
Ukrainie vielmi nieabchodnaja stabilnaja ŭłada, lehitymnaść jakoj budzie bazavacca na svabodnych vybarach.
Pra heta zajaviŭ pres-sakratar MZS Biełarusi Dźmitryj Mirončyk 15 maja na bryfinhu, adkazvajučy na pytańnie pra staŭleńnie aficyjnaha Minska da vybaraŭ prezidenta Ukrainy, što majuć adbycca. «Razam z tym važna, kab mahčymaść dla svabodnaha volevyjaŭleńnia mieli hramadzianie ŭsich rehijonaŭ krainy», — padkreśliŭ pres-sakratar.
«Samastojnaje vyznačeńnie dalejšaha kirunku svajho raźvićcia — nieadjemnaje prava ŭkrainskaha naroda. Vybary — heta najlepšaja, najbolš prymalnaja i demakratyčnaja forma mirnaj realizacyi takoha prava», — zajaviŭ Mirončyk.
Pres-sakratar adznačyŭ, što pradstaŭniki Biełarusi voźmuć udzieł u nazirańni za vybarami va Ukrainie jak u nacyjanalnaj jakaści, tak i pa linii rehijanalnych arhanizacyj. «Heta dapamoža nam sfarmulavać ich adekvatnuju acenku», — skazaŭ Mirončyk.
Kamientujučy situacyju na paŭdniovym uschodzie Ukrainy i refierendum, što prajšoŭ 11 maja ŭ Danieckaj i Łuhanskaj abłaściach, jon zajaviŭ: «My ličym, što vyrašeńnie ŭkrainskaha kanfliktu pavinna bazavacca na abjadnalnych, a nie raźjadnalnych pačatkach. Jaho nieabchodna šukać u pieršuju čarhu ŭ ramkach šyrokaha ahulnanacyjanalnaha dyjałohu, u jakim byli b pradstaŭlenyja intaresy ŭsich sił, što znachodziacca siońnia pa roznyja baki barykad».
Pres-sakratar MZS nahadaŭ, što Biełaruś «nieadnarazova źviartałasia z zaklikam da ŭsich bakoŭ ukrainskaha kanfliktu ŭ poŭnaj miery ŭśviadomić svaju adkaznaść za budučyniu Ukrainy i, adkinuŭšy ambicyi, nieadkładna sieści za stoł pieramoŭ»
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary