Kamandzir vajskovaj častki ŭ krymskim Bielbieku, što pad Sievastopalem, Julij Mamčur patrabuje ad kiraŭnictva Minabarony Ukrainy i Hienštaba pryniać rašeńnie nakont dziejańniaŭ kamandziraŭ vajskovych častak Ukrainy ŭ Krymie.
Pra heta havorycca ŭ videazvarocie, apublikavanym u čaćvier.
«Źviartajusia da kiraŭnictva krainy, Minabarony, Hienštaba. Ni dla kaho nie sakret, jakaja situacyja skłałasia vakoł vajennych častak Ukrainy ŭ Krymie», — skazaŭ jon.
«Kab paźbiehnuć mahčymych sutyknieńniaŭ z prymianiennm zbroi, prašu vas u samyja karotkija terminy pryniać rašeńnie pa dalejšych dziejańniach kamandziraŭ vajskovych častak u vypadku pramoj pahrozy žyćcia asabistamu składu, členam siemjaŭ vajennasłužačych, cyvilnamu nasielnictvu», — zajaviŭ Mamčur.
«Vaša rašeńnie prašu danieści ŭ dyrektyŭnaj formie da ŭsich kamandziraŭ vajskovych čaściej, jakija dysłakujucca ŭ Aŭtanomnaj respublicy Krym», - padkreśliŭ jon.
«U vypadku niepryniaćcia vami adpaviednych rašeńniaŭ, my budziem vymušanyja dziejničać zhodna sa Statutam ŭzbrojenych sił Ukrainy da adkryćcia ahniu», — papiaredziŭ Mamčur.
«Pry hetym my vyrazna ŭśviedamlajem, što my nie zmožam doŭha supraćstajać pieraŭzychodziačym pa kolkaści, uzbrojenaści i padrychtoŭcy padraździaleńniam rasijskich vojskaŭ, ale hatovyja vykanać svoj doŭh da kanca», — padkreśliŭ jon.
«Znachodziačysia pad pastajannym ciskam uzbrojenych sił Rasii, miascovaha nasielnictva, orhanaŭ miascovaha samakiravańnia, majem vusnyja ŭkazańni trymacca, nie paddavacca na pravakacyi, i nie ŭžyvać zbroju», — nahadaŭ jon.
«Koštam nievierahodnych namahańniaŭ utrymlivajem chrupki mir na krymskaj ziamli, praciahvajem być viernymi prysiazie na viernaść ukrainskamu narodu. My — vajskoŭcy pavinny abaraniać suvierenitet, terytaryjalnuju cełasnaść Ukrainy.
Z kožnym dniom ultymatumy z boku pradstaŭnikoŭ uzbrojenych sił RF nabyvajuć usio bolš žorstki charaktar», — padkreśliŭ jon.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary