U BDU ŭ nastupnym hodzie adkryjuć čatyry novyja śpiecyjalnaści — jość i niezvyčajnaja
Adna śpiecyjalnaść, padobna, źviazana z zacikaŭlenaściu Łukašenki ŭ Afrycy.
22.12.2024 / 16:36
Rektar BDU Andrej Karol na STB raskazaŭ, što ŭ 2025 hodzie va ŭniviersitecie čakajucca novyja śpiecyjalnaści.
Ciapier prapracoŭvajuć čatyry takich. Heta:
- «intelektualnaja elektronika» na fakultecie radyjofiziki i kampjutarnych technałohij;
- «kampjutarnaje madelavańnie i raspracoŭka veb-prahram» na fakultecie sacyjakulturnych kamunikacyj;
- «suśvietnaja ekanomika i handal» — sumiesny pradukt ekanamičnaha fakulteta i Instytuta kitajaznaŭstva imia Kanfucyja;
- «afrykanistyka» na fakultecie mižnarodnych adnosinaŭ.
Pa słovach rektara, «afrykanistyku» adkryvajuć pa jaho pažadańni.
Vierahodna, źjaŭleńnie takoj śpiecyjalnaści źviazana z žadańniem Alaksandra Łukašenki va ŭmovach palityčnaj izalacyi na Zachadzie vybudoŭvać adnosiny z Afrykaj. Za apošnija hady ŭ jaho byli vizity, naprykład, u Zimbabve, Ekvataryjalnuju Hvinieju, Kieniju.
Rektar BDU pra žonku: U nas cyvilizavanyja dahavornyja adnosiny