U Suchumi pratestoŭcy znosiać aharodžu vakoł parłamienta VIDEA
Prezident samaabvieščanaj respubliki nazvaŭ pratesty sprobaj dziaržpieravarotu.
17.11.2024 / 14:19
U Suchumi pratestoŭcy znosiać aharodžu vakoł parłamienta. Mitynhoŭcy nazvali jaje «aharodžaj hańby».
«Heta złačynnaje rašeńnie — adharodžvacca ad svajho naroda aharodžami i chavacca. Nam niama ad kaho chavacca, my nikoha nie baimsia», — kamientujuć znos aktyvisty.
Prezident samaabvieščanaj respubliki Asłan Bžanija zajaviŭ, što pieramovy z apazicyjaj zajšli ŭ tupik. Pratesty jon nazvaŭ sprobaj dziaržpieravarotu, piša RIA «Naviny».
«Zaraz toj čas, kali my pavinny kłapacicca pra svaju krainu, pra našu radzimu. Jana ŭ niebiaśpiecy. I ŭ takoje składanaje stanovišča naša radzima trapiła ŭ vyniku dziejańniaŭ ludziej, jakija zrabili sprobu dziaržaŭnaha pieravarotu», — skazaŭ jon.
Na jaho dumku, jašče nie pozna źmianić situacyju. Jon prapanavaŭ pazačarhovyja vybary, jakija «pakažuć, kaho ŭ jakaści prezidenta choča bačyć šmatnacyjanalny narod Abchazii».
Žychary pratestujuć suprać inviestycyjnaj damovy z Rasijaj, jakaja daje surjoznyja prefierencyi rasijskim kampanijam u śfiery budaŭnictva. Pratest pastupova pieraros u antyŭradavy: mitynhoŭcy zachapili budynak parłamienta i zapatrabavali adstaŭki prezidenta Asłana Bžanija i jaho kamandy.
Prezident Abchazii hatovy pakinuć pasadu
Abchazski kiraŭnik Bžanija pakinuŭ Suchumi
Pratestoŭcy ŭ Abchazii zapatrabavali adstaŭki prezidenta. Toj admoviŭsia
Pratestoŭcy ŭ Abchazii pasprabavali ŭziać šturmam budynak parłamienta