«Чарговая спроба перапрызначыць самога сябе на ўзурпаваную пасаду». Латушка пракаментаваў дату прэзідэнцкіх выбараў
Палітык Павел Латушка пракаментаваў прызначэнне даты прэзідэнцкіх выбараў у Беларусі.
23.10.2024 / 12:50
«Лукашэнка баіцца свайго народу, таму, як і з інаўгурацыяй у 2020 годзе, трымаў дату выбараў у таямніцы і прызначыў яе спадцішка», — заявіў Латушка.
Паводле яго слоў, у Беларусі адсутнічаюць базавыя ўмовы для правядзення выбараў.
«Дадзенае дзейства, якое плануе арганізаваць Лукашэнка, нельга назваць інакш, як спробай перапрызначыць самога сябе ў чарговы раз на ўзурпаваную пасаду прэзідэнта Рэспублікі Беларусь», — кажа ён.
Латушка звяртае ўвагу, што ў турмах рэжыму знаходзяцца тысячы палітзняволеных. Сярод іх былыя кандыдаты на пасаду прэзідэнта Рэспублікі Беларусь у папярэдняй выбарчай кампаніі.
Па-другое, у Беларусі ліквідаваны ўсе незалежныя сродкі масавай інфармацыі.
Па-трэцяе, у Беларусі ліквідаваны ўсе апазіцыйныя палітычныя партыі.
Па-чацвёртае, у Беларусі ліквідавана больш за 1700 няўрадавых арганізацый, што складае больш за 50% усіх няўрадавых арганізацый, якія дзейнічалі ў Беларусі на перыяд 2020 года.
«У Беларусі створана атмасфера страху і поўнага страху і тэрору, што не дазваляе казаць аб магчымасці арганізацыі свабоднай рэгістрацыі кандыдатаў на пасаду прэзідэнта і правядзення выбарчых кампаній. Лукашэнка здзяйсняе масавыя рэпрэсіі ў дачыненні да беларускага народа, падазраецца ва ўчыненні ваенных злачынстваў, злачынстваў супраць чалавечнасці і акта агрэсіі. Яго месца не на пасадзе прэзідэнта, а ў Міжнародным крымінальным судзе», — кажа палітык.
Латушка заклікае дэмакратычных партнёраў заявіць аб немагчымасці правядзення чэсных выбараў прэзідэнта Рэспублікі Беларусь «у той атмасферы страху і тэрору, якая створана ў нашай краіне».
Сёння стала вядома, што выбары прэзідэнта Беларусі прызначаныя на 26 студзеня 2025 года. Яны пройдуць ужо за тры месяцы.
{POLL#1250}
Названа дата прэзідэнцкіх выбараў: аж на паўгода раней за магчымы тэрмін
Карпенка патлумачыў, чым абгрунтавана дата прэзідэнцкіх выбараў
Старшыня ЦВК назваў тры прычыны, чаму не хоча ставіць відэакамеры на ўчастках
Кіраўнік ЦВК паабяцаў сюрпрызы для выбаршчыкаў на выбарах прэзідэнта