Viktoryju Kulšu ŭ treci raz buduć sudzić za niepadparadkavańnie administracyi
28 kastryčnika sud Rečyckaha rajona razhledzić kryminalnuju spravu suprać Viktoryi Kulšy. Jaje treci raz abvinavačvajuć u złosnym niepadparadkavańni administracyi, piša «Homielskaja Viasna».
22.10.2024 / 09:29
Pravaabaroncam stała viadoma, što 28 kastryčnika ŭ sudzie Rečyckaha rajona adbudziecca razhlad kryminalnaj spravy pa č. 1 art. 411 (złosnaje niepadparadkavańnie administracyi kałonii), jakaja ŭzbudžana suprać palityčnaj źniavolenaj Viktoryi Kulšy.
Spravu budzie razhladać Stanisłaŭ Ivaniucienka, jon ža vynosiŭ papiaredni prysud ab pakarańni Viktoryi.
Viktoryja znachodzicca ŭ źniavoleńni ŭžo 4 hady.
Jaje zatrymali 4 listapada 2020 hoda. Pa viersii abvinavačańnia, jana administravała kanał «Kiroŭcy 97%». Viktoryju pryhavaryli da 2,5 hadoŭ kałonii pa artykule ab hrubym parušeńni paradku (častka 1 i častka 2 artykuła 342 KK).
U červieni 2022 hoda Kulšu pryhavaryli da jašče adnaho hoda kałonii pa artykule ab złosnym niepadparadkavańni administracyi (artykuł 411 KK).
U krasaviku 2023 hoda Viktoryju pryhavaryli da adnaho hoda kałonii pa artykule ab złosnym niepadparadkavańni administracyi (častka 1 artykuła 411 KK).
U studzieni stała viadoma, što ŭ žancyny vyjavili ankałahičnaje zachvorvańnie.
Palitźniavolenuju Viktoryju Kulšu źmiaścili ŭ PKT
Palitźniavolenuju Viktoryju Kulšu znoŭ adpravili ŭ ŠIZA. Za paŭhoda jana była tam 92 dni