Troch čałaviek, zatrymanych pa spravie ab «padrychtoŭcy teraktaŭ», pačnuć sudzić u kastryčniku
Minharsud 22 kastryčnika ŭ zakrytym režymie pačnie razhladać spravu ŭ dačynieńni da ŭkrainca Ivana Lichałata i biełarusaŭ Barysa Puchalskaha i Ivana Barodziča, daviedałasia «Viasna». Praces budzie vieści sudździa Anžeła Kaściukievič.
28.09.2024 / 17:37
Fihurantam spravy inkryminavany šerah artykułaŭ Kryminalnaha kodeksu: č. 3 art. 289 KK (akt teraryzmu), art. 358-1 (ahienturnaja dziejnaść), č. 4 art. 309 KK (naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin), č. 4 art. 295 KK (niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ), č. 1 art. 356 KK (zdrada dziaržavie) č. 2 art. 406 KK (niedaniasieńnie ab złačynstvie).
Pra zatrymańnie mužčyn stała viadoma ŭ minułym vieraśni z prapahandysckaha filma pa BT. Śćviardžałasia, što jany nibyta vyjšli na suviaź z SBU i płanavali ŭzarvać čyhunku ŭ Tałačynskim rajonie.
Palitźniavolenaha «rejkavaha partyzana» Uładzimira Aŭramcava znoŭ sudzili