Ideołah Minabarony raskazaŭ, što hulniu Pokemon Go vykarystoŭvali dla špijanažu — źbirali danyja pra avijabazu ŭ Mačuliščach
Alaksandr Ivanoŭ pierakanany, što varožaja raźviedka zdabyvała danyja z dapamohaj łaŭcoŭ pakiemonaŭ.
10.09.2024 / 09:23
Načalnik adździeła hałoŭnaha ŭpraŭleńnia ideałahičnaj raboty Ministerstva abarony Biełarusi Alaksandr Ivanoŭ. Fota: skryn videa prahramy, sajt pokemon.com
U novym vypusku prahramy «Pa sutnaści» na STB abmiarkoŭvali biaśpieku Biełarusi.
Načalnik adździeła hałoŭnaha ŭpraŭleńnia ideałahičnaj raboty ministerstva abarony Biełarusi Alaksandr Ivanoŭ źviarnuŭ uvahu na hulni jak srodak špijanažu.
«Davajcie voźmiem hulniu Pokemon Go. Hadoŭ dziesiać nazad jana była vielmi papularnaja. Usie padletki-dzieci siadzieli na niejkim dadatku — uklučaješ kamieru, dapoŭnienaja realnaść, i šukaješ niejkich pakiemonaŭ. Redkich źbiraješ sabie ŭ kalekcyju.
Dzie było bolš za ŭsio pakiemonaŭ u toj čas? Na terytoryi 50-j avijacyjnaj bazy, dzie ŭźlotna-pasadačnaja pałasa, dzie kuča vajskovaj techniki. Ci heta nie raźviedvalnickaja infarmacyja?»
50-ja avijacyjnaja baza znachodzicca ŭ Mačuliščach.
Što takoje Pokemon GO? Papularnaja hulnia ŭ pytańniach i adkazach