U bierlinskaj klinicy «Šaryte» całkam vylečyli druhoha pacyjenta ź VIČ
Heta siomy ŭ historyi vypadak zbavieńnia ad VIČ, zajaviła pres-słužba miedustanovy.
19.07.2024 / 19:01
Fota ilustracyjnaje
60-hadovy pacyjent zdaŭ stanoŭčy test na VIČ u 2009 hodzie, u 2015-m u jaho taksama dyjahnastavali vostry mijełoidny lejkoz.
Dla lačeńnia lekary vykarystoŭvali novy mietad: nie znajšoŭšy donara ź imunitetam da VIČ, pierasadzili pacyjentu stvałavyja kletki čałavieka z adnoj kopijaj mutantnaha hiena zamiest dźviuch.
U 2018 hodzie pacyjent nie zachacieŭ praciahvać antyretravirusnuju terapiju, pry hetym VIČ u arhaniźmie mužčyny da hetaha času nie vyjaŭlajecca, jak i rak. Lekary miarkujuć, što transpłantavanyja kletki źniščyli VIČ-infikavanyja.
«Pieryjad bieźvirusnaha nazirańnia, jaki składaje bolš za piać hadoŭ, śviedčyć pra toje, što virus VIČ sapraŭdy moža być całkam vydaleny z arhanizma pacyjenta. Tamu my ličym, što jon vylečyŭsia ad VIČ-infiekcyi», — zajaviŭ prafiesar Ołaf Pienak.
Pieršym u śviecie čałaviekam, jaki pieramoh VIČ, u 2008 hodzie pryznali pacyjenta toj ža kliniki «Šaryte» Cimaci Reja Braŭna, jaki atrymaŭ mianušku «Bierlinski pacyjent». U 2020 hodzie Cimaci Rej Braŭn pamior z-za recydyvu lejkiemii.
Mužčynu ŭ Hiermanii ŭdałosia vylečycca ad VIČ. Heta ŭžo piaty vypadak u historyi
Bolš čym na 15% vyrasła kolkaść zaražeńniaŭ VIČ u Biełarusi