У парку Чалюскінцаў на атракцыёне адарваліся тросы — пацярпелі людзі, на месцы было шмат хуткіх
Надзвычайнае здарэнне адбылося на каруселі з лебедзямі.
06.07.2024 / 23:44
Скрыншот відэа
У парку Чалюскінцаў у Мінску ўвечары 6 ліпеня адбылося надзвычайнае здарэнне. На адным з атракцыёнаў упалі кабінкі з людзьмі з-за абрыву трасоў.
У адміністрацыі Першамайскага раёна патлумачылі, што зламаўся механізм уздыму/апускання кабінак, пішуць «Мінск-Навіны».
«Пацярпелі не менш за чатыры чалавекі, уключаючы дзяцей. Яны дастаўленыя ў шпіталь хуткай дапамогі чатырма экіпажамі», — паведамілі ў адміністрацыі.
Іншыя дадзеныя агучыў механік парку. Тры чалавекі пацярпелі, у тым ліку дзіця.
«Ва ўсіх лёгкія ўдары і драпіны. Кабінкі ўпалі з вышыні 3-4-х метраў. Адно дзіця вельмі моцна спалохалася, і яго забрала хуткая. З-за крыкаў наведвальнікі пачалі масава выклікаць хуткую дапамогу, таму было так шмат машын», — заявіў дзяжурны механік.
Мяркуючы па відэа ад відавочцаў, зламаўся дзіцячы атракцыён з лебедзямі.
Дзяўчынку, якая больш за месяц таму выпала з атракцыёну ў Лідзе, выпісалі з бальніцы
Дзве дзяўчыны захраслі на коле агляду на вышыні 18 метраў у Хоцімску
«Правялі дзве аперацыі». Што з 11-гадовай дзяўчынкай, якая выпала з атракцыёна ў Лідзе
У Лідзе дзяўчынка выпала з экстрэмальнага атракцыёна