Судзяць 50-гадовага настаўніка са Светлагорска. Сярод артыкулаў — згвалтаванне падлетка і стварэнне порна
Пры гэтым у мужчыны ёсць жонка і дзве дачкі. Яму пагражае да дваццаці гадоў калоніі.
05.06.2024 / 20:27
Леанід Савіч. Фота з ягонай старонкі Укантакце (архіўная копія)
Імя Леаніда Савіча са Светлагорска з'явілася ў раскладзе судоў. Згодна з базамі «Кіберпартызанаў», мужчыну 50 гадоў. У яго ёсць жонка і дзве дачкі, адна з якіх паўналетняя.
Савіч працаваў настаўнікам у Светлагорскай школе №12, выкладаў інфарматыку. У 2014-м ён нават уваходзіў (PDF) у выбарчую камісію ў школе, у якой працаваў.
Ягоныя навучэнцы ўдзельнічалі ў алімпіядах па інфарматыцы на рэспубліканскім узроўні, на сайце школы ён узгадваецца як адзін з найлепшых настаўнікаў.
Таксама мужчына быў дзіцячым трэнерам па таэквандо. Ягоныя гадаванцы паказвалі добрыя рэзультаты, а пра Леаніда часта пісала мясцовая прэса.
Леанід з гадаванцамі на турніры па таэквандо. Фота: svetlik.net
Згодна з прэс-рэлізам МУС, мужчыну затрымалі напрыканцы кастрычніка 2023-га. Пасля затрымання яму спачатку далі штраф за непадпарадкаванне міліцыянтам.
Прадстаўнікі МУС казалі, што ўскрылі як мінімум чатыры ахвяры мужчыны ва ўзросце ад 14 да 16 гадоў з 2018 года. Аднойчы ён запрасіў дваіх хлопчыкаў на «ўпіску», пераспаў з адным з іх і зняў гэта на смартфон. Таксама ён дасылаў хлопчыкам фота свайго пеніса.
Перапіска Леаніда з адной з ахвяраў. Скрыншот з прэс-рэліза МУС
Тады гаворка шла толькі пра артыкул 168 КК, «палавыя зносіны і іншыя дзеянні сэксуальнага характара з асобай, што не дасягнула 16-годдзя» і артыкул 343-1, «стварэнне порна з непаўнагадовымі».
Цяпер да іх дадаліся артыкул 167 КК, прычым яго другая частка — гвалтоўныя дзеянні сэксуальнага характару ў адносінах заведама непаўналетняга, а таксама «распусныя дзянні» (ч. 1 арт. 169 КК).
Леанід разам з адной са сваіх ахвяраў. Фота з прэс-рэліза МУС
Суд над Савічам пачнецца 7 чэрвеня ў судзе Светлагорскага раёна. Па суме прысудаў былому настаўніку пагражае да 20 гадоў калоніі.
У Маскве педафіл пад выглядам Улада Бумагі прымусіў дзіця даслаць яму інтымныя фота
«Яму падабалася слова «бойлавэр». Глухі падлетак, адна з ахвяр журналіста Ч., расказаў сваю гісторыю