Pamior Ryšard Jakubiec
Katalicki śviatar z Mastoŭskaha rajona pražyŭ 63 hady.
29.05.2024 / 09:36
Fota: Catholic.by
Ksiondz kanonik Ryšard Jakubiec pamior 22 maja, paviedamlaje catholic.by.
Ryšard Jakubiec naradziŭsia 23 sakavika 1961 h. Pachodziŭ z parafii Najśviaciejšaj Trojcy ŭ Strubnicy (Hrodzienskaja dyjacezija, Mastoŭski dekanat). Byŭ vyśviačany ŭ śviatary ŭ Ryzie ŭ 1987 h. biskupam Janisam Cakułsam.
Paśla paśviačeńnia słužyŭ na praciahu hoda ŭ Łatvii, potym viarnuŭsia ŭ Biełaruś. Byŭ vikaryjem u parafii sv. Vacłava ŭ Vaŭkavysku, taksama słužyŭ, miž inšym, u Ščučynie, Kamiency, Dziembravie.
Pryčyniŭsia da adnaŭleńnia źniščanaha kaścioła śviatych apostałaŭ Piatra i Paŭła ŭ Ražancy i budaŭnictva dvuch novych kaściołaŭ: Maci Božaj Trojčy Cudoŭnaj u Mastach i śviatoha Jana Chryściciela ŭ Pravych Mastach.
Z 1992 h. da śmierci byŭ probaščam parafii Adviedzinaŭ Najśviaciejšaj Panny Maryi ŭ Mikieleŭščynie (Mastoŭski dekanat).
Raźvitańnie ź im adbyłosia pazaŭčora.
Pamior Chans-Hieorh Vik, jaki na styku stahodździaŭ sprabavaŭ abjadnać biełaruskuju apazicyju
Pamierła paetka Ała Nikiporčyk