Дзецям Маляваныча сказалі «чакаць гасцей»
16.05.2024 / 18:11
Акцёр Аляксандр Ждановіч, больш вядомы як Маляваныч з «Калыханкі», напісаў у фэйсбуку, што ягоныя дзеці, якія застаюцца ў Беларусі, атрымалі папярэджанне з сілавых структур.
Аляксандр Ждановіч. Фота: facebook.com/aliaksandr.pazniak
«Памаліцеся, калі ласка… Патэлефанавалі дзецям, сказалі чакаць «гасцей»…», — напісаў Маляваныч на сваёй старонцы ў фэйсбуку.
Аляксандр Ждановіч знаходзіцца па-за межамі Беларусі ўжо больш за два гады, пакінуў радзіму ён, як і тысячы іншых беларусаў, з-за пагрозы рэпрэсій. У 2020 годзе ён адбываў суткі па адміністрацыйным артыкуле, а ў 2021 годзе быў звольнены з тэатра імя Максіма Горкага, у якім шмат гадоў працаваў.