Стала вядома асоба кіроўцы аўтобуса, што зваліўся ў раку ў Пецярбургу, і марка машыны
За рулём аўтобуса, які ўпаў у раку Мойку, знаходзіўся 44-гадовы кіроўца Рахматшох Курбонаў, ён нарадзіўся ў Таджыкістане, піша Fontanka.ru.
10.05.2024 / 15:43
Фота: Volgabus.ru
Яму 44 гады, раней Курбонаў лічыўся кандуктарам у іншага перавозчыка.
Што тычыцца машыны, то гэта новы газаматорны Volgabus-4298.G4, такія выпускаюць у горадзе Волжскі Валгаградскай вобласці. Гэты аўтобус зарэгістраваны на ТАА «Аўтатранспартная кампанія».
Нагадаем, што аўтобус сёння а 13-й гадзіне дня спікіраваў у раку Мойка непадалёк ад Кансерваторыі. У ім магло знаходзіцца да 20 чалавек. Частку дасталі з вады ратавальнікі, частка выратавалася самастойна. Па розных звестках, загінулі ад чатырох да шасці чалавек. Кіроўцу затрымалі, але першапачаткова адвезлі ў бальніцу.
У Пецярбургу аўтобус з 20 пасажырамі зваліўся ў ваду. Ёсць загінулыя
У Пецярбургу дасталі з вады ўсіх пасажыраў аўтобуса. Шэсць чалавек загінулі
З'явілася ВІДЭА падзення аўтобуса з людзьмі ў раку ў Санкт-Пецярбургу