Izrail nanios udar u adkaz pa Iranie. Ścipły
Ranicaj 19 krasavika Izrail nanios udar u adkaz pa Iranie. Pra heta paviedamiła ABC News sa spasyłkaj na vysokapastaŭlenaha čynoŭnika ZŠA. Ułady Irana admaŭlajuć rakietnuju ataku — havorać pra «niekalki bieśpiłotnikaŭ».
19.04.2024 / 07:29
Pavodle infarmacyi iranskich ŚMI, try vybuchi prahrymieli niepadalok vajskovaj bazy na paŭnočnym zachadzie iranskaj pravincyi Isfachan. U pravincyi Isfachan raźmieščana niekalki iranskich jadziernych abjektaŭ.
Izrail nanios «abmiežavany» ŭdar pa Iranie ŭ jakaści adkazu na ataku 13 krasavika, paviedamlaje Fox News sa spasyłkaj na krynicu.
Ułady Irana zajavili, što źbili niekalki bieśpiłotnikaŭ, i adkinuli infarmacyju ab rakietnaj atacy na krainu.
«Niekalki bieśpiłotnikaŭ byli paśpiachova źbityja supraćpavietranaj abaronaj krainy, infarmacyi ab rakietnaj atacy pakul niama», — napisaŭ pradstaŭnik iranskaha kaśmičnaha ahienctva Chasiejn Daliryjan u sacsietcy X.
Iran prypyniŭ paloty nad šeraham haradoŭ.
ZŠA nie ŭdzielničali ŭ atacy Izraila na Iran, ale byli papiaredžanyja pra jaje, paviedamlaje BBC sa spasyłkaj na krynicu.
U noč na 14 krasavika Iran masiravana atakavaŭ Izrail dronami i rakietami ŭ adkaz na ŭdar CACHAŁu pa konsulskaj ustanovie Irana ŭ Siryi. U Armii abarony Izrailu paviedamili, što Iran padčas ataki 13—14 krasavika vypuścili pa Izraili bolš za 300 pavietranych celaŭ, ź jakich kala 170 składali ŭdarnyja bieśpiłotniki, bolš za 30 — kryłatyja rakiety i 120 — balistyčnyja. Amal usie jany byli źbityja.
Izrail rychtuje adkaz na iranskuju ataku. Piać mahčymych scenaryjaŭ dziejańniaŭ u adkaz
ZŠA ŭpieršyniu vykarystali «zbroju budučyni» pry adbićci ataki na Izrail. Voś što pra jaje viadoma
Izrail zaklikaŭ Zachad uvieści sankcyi suprać Tehierana ŭ adkaz na rakietnuju ataku
Čamu Izrail adbiŭ hrandyjozny ŭdar Irana? Biez dapamohi sajuźnikaŭ usio było b zusim nie tak radasna